13 մայիս, 2020 15:37

Էդմոն Մարուքյանը հրավիրվել է ՀՔԾ՝ բացատրություն տալու

Ազգային ժողովի «Լուսավոր Հայաստան» խմբակցության ղեկավար Էդմոն Մարուքյանը մայիսի 8-ին խորհրդանի նիստերի դահլիճում տեղի ունեցած ծեծկռտուքի գործով հրավիրվել է Հատուկ քննչական ծառայություն՝ բացատրություն տալու․ այս մասին տեղեկրել է Մարուքյանը ֆեյսբուքյան էջում։

«Այսօր դատաբժշկական փորձաքննություն է նշանակվել, ինչպես նաև հրավիրվել եմ ՀՔԾ՝ բացատրություն տալու»:

Մարուքյանն իր էջում հրապարակել է նաև ՀՔԾ-ի հրավերի լուսանկարը:

Ավելի վաղ ՀՔԾ-ից հայտնել էին, որ Ազգային ժողովում մայիսի 8-ին տեղի ունեցած միջադեպի տեսանյութի և ԶԼՄ-ների հրապարակումների հիման վրա նյութեր են նախապատրաստվում։

Խորհրդարանում մայիսի 8-ին ծեծկռտուք է տեղի ունեցել «Լուսավոր Հայաստան» և «Իմ քայլը» խմբակցությունների պատգամավորների միջև:

Միջադեպը դատապարտել է Մարդու իրավունքների պաշտպանը։

Միջադեպի կապակցությամբ հայտարարություն է տարածել «Լուսավոր Հայաստան» կուսակցությունը։