28 հուլիս, 2020 09:17

Պուտինը Էրդողանի հետ զրույցում շեշտել է «լարվածության տանող գործողությունների անթույլատրելիությունը»

Հուլիսի 27-ին տեղի է ունեցել հեռախոսազրույց Ռուսաստանի և Թուրքիայի նախագահներ Վլադիմիր Պուտինի և Ռեջեփ Թայիփ Էրդողանի միջև։ Կրեմլի հաղորդագրության համաձայն՝ երկու ղեկավարները զրուցել են թուրքական կողմի նախաձեռնությամբ։

«Տեղի է ունեցել մտքերի փոխանակում Անդրկովկասում իրադրության շուրջ՝ հայ-ադրբեջանական պետական սահմանին սրացման համատեքստում։ Վլադիմիր Պուտինը ընդգծել է ցանկացած գործողությունների անթույլատրելիությունը, որոնք կարող են նպաստել լարվածության սրացմանը։ Երկու կողմից շահագրգռվածություն է արտահայտվել՝ կոնֆլիկտային իրավիճակը բացառապես խաղաղ միջոցներով, բանակցությունների ճանապարհով լուծելու։ Պատրաստակամություն է հայտնվել համակարգելու ջանքերը՝ տարածաշրջանում իրադրության կայունացման նպատակով։ 

Առաջնորդները նաև շեշտել են ղարաբաղյան հակամարտության՝ քաղաքական-դիվանագիտական կարգավորման այլընտրանքի բացակայությունը՝ միջազգային իրավունքի սկզբունքների հիման վրա՝ ի շահ Հայաստանի և Ադրբեջանի ժողովուրդների»,- ասված է Կրեմլի հաղորդագրությունում։

***

Հայ-ադրբեջանական էսկալացիայի շուրջ Ռուսաստանի ու Թուրքիայի արձագանքների մասին ավելին՝ 

Ճգնաժամը չպետք է հանգեցնի առաջընթացի նահանջին, որին հաջողվել էր հասնել հսկայական ջանքերի արդյունքում․ ՌԴ ԱԳՆ

Լավրովը Չավուշօղլուի հետ զրույցում շեշտել է զսպված մոտեցումների կարևորությունը հայ-ադրբեջանական լարվածության հարցում