31 հուլիս, 2020 09:29

ԶՈՒ առաջին շարակարգի միավորումները, զորամասերը բերվել են մարտական պատրաստականության բարձր աստիճանների

Պաշտպանության նախարարության խոսնակ Շուշան Ստեփանյանը հայտարարություն է տարածել մարտական պատրաստականության հանկարծակի ստուգումների  մասին։

«ՀՀ ԶՈՒ զորքերի մարտական պատրաստականության հանկարծակի ստուգումների 2020 պլանի համաձայն` այսօր վաղ առավոտյան ԶՈՒ գլխավոր շտաբի պետի կողմից զինված ուժերի առաջին շարակարգի միավորումները, զորամասերը և կենտրոնական ենթակայության ուժերի մի մասը բերվել են մարտական պատրաստականության բարձր աստիճանների՝ նպատակ ունենալով ստուգելու զորքերի մարտունակությունը, ստեղծված իրավիճակում արագ գործելու ունակությունները, ճշտելու հաստիքային, տրված և աջակցող ուժերի ու միջոցների փոխգործակցության հարցերը, անցկացնելու ստորաբաժանումների և կրակի կառավարման մարզումներ՝ օպերատիվ-մարտավարական դրվագների խաղարկմամբ»,- ասված է գրառման մեջ։

։