Կրճատումները բացառապես պայմանավորված են կառուցվածքային փոփոխություններով, որոնք նախապես հրապարակվել են, և ամբողջ գործընթացը եղել է հրապարակային․ Սփյուռքի հանձնակատարի գրասենյակի մամուլի խոսնակ Ամալյա Կարապետյանը ՍիվիլՆեթի հետ զրույցում մեկնաբանեց վերջին օրերի կրճատումները։
Նրա խոսքով՝ դա կադրային ջարդ չէ։ Թեմայի վերաբերյալ հավելյալ մեկնաբանություն խոսնակը չկարողացավ տալ։
Հուլիսի 30-ին վարչապետ Նիկոլ Փաշինյանը ստորագրել էր Սփյուռքի գործերի գլխավոր հանձնակատարի գրասենյակի 10 աշխատակցի աշխատանքից ազատելու մասին որոշումը։
Հուլիսի 29-ին Սփյուռքի գործերի գլխավոր հանձնակատար Զարեհ Սինանյանը ՍիվիլՆեթի տաղավարում խոսել էր գրասենյակի աշխատանքի, հայ-ադրբեջանական բախումների և հայրենադարձության մասին:
Լուսինե Վարդանյան