Ազատվե՛ք բարդույթներից․ ի՞նչը չի թողնում ազատ գնումներ կատարել

Հոդվածը հրապարկվում է որպես գովազդ

«Հաճախորդը միշտ ճիշտ է» – ահա վաճառքի ոսկե կանոնը։  Մենք բոլորս էլ ինճ-որ չափով հաճախորդ ենք։ Իսկ արդյո՞ք մեր վարքագիծը որպես հաճախորդ գիտակցված է բոլոր իրավիճակներում, օրինակ՝ գնումներ կատարելիս։ Գոյություն ունեն գնորդին հատուկ կոմպլեքսներ, որոնք թույլ չեն տալիս օգտվել ամենագրավիչ առաջարկներից։ Բացահայտելով այդ կոմպլեքսներն ու ազատվելով դրանցից՝ դուք հեշտությամբ կկարողանաք անկաշկանդ ու գրպանին հարմար գնումներ կատարել։ 

Կոմպլեքս 1. Բրենդային խանութները թանկ են․ չարժե անգամ ներս մտնել 

Այս բարդույթը նկատելի է հատկապես հագուստ գնելիս։ Մինչ օրս էլ կան գնորդներ, ովքեր խուսափում են բրենդային խանութ մտնելուց՝ մտածելով, որ գներն այնտեղ շատ ավելի բարձր են, քան, օրինակ, տոնավաճառներում։ Մինչդեռ կան բրենդային խանութներ, որտեղ կարելի է գտնել նորաձև, բարձր որակի ու գրպանին հարմար գնով հագուստ, կոշիկ ու աքսեսուարներ։ Բացի այդ, գործում են վերադարձի ու փոխանակման հնարավորություն, ճկուն զեղչերի համակարգ, կուտակային քարտեր ու այլ առավելություններ։ 

Դալմա Գարդեն մոլի աշխատակից Հերմինեն նշում է, որ այսօր մարդիկ ավելի ու ավելի շատ են սկսում այցելել առևտրի կենտրոններ։ Առցանց գնումների հնարավորությունը նույնպես օգնում է։ «Ես գործող օրինակներ եմ բերում զեղչերի վերաբերյալ։ Երբ մարդիկ տեսնում են ապրանքի գինը մինչև զեղչն ու դրանից հետո, հիմնականում որոշում են կայացնում այցելել առևտրի կենտրոն ու օգտվել զեղչերից»։  

Կոմպլեքս 2. Ամոթ է ապրանքը վերցնել փորձնական օգտագործման ու հետո հետ վերադարձնել առանց գնելու

Նախքան գնելը արտադրանքը փորձարկելու հնարավորության դեպքում գնորդը կարող է գնահատել բրենդի առավելությունները ոչ միայն խանութում, այլև առօրյա կյանքում։ Հիմնականում նման հնարք կիրառում են տեխնիկա ու սարքեր արտադրողները։ Գնորդի համար չկա որևէ պարտավորություն․ պարզապես վերցրու ու փորձիր վերադարձման պայմանով։ Չնայած գրավիչ այս առաջարկին, շատերը խուսափում են գնելուց առաջ արտադրանքը փորձարկել, քանի որ պարզապես ամաչում են այն հետ վերադարձնել առանց գնելու։ Հոգեբանական այս բարդույթը հատկապես բարձր գին ունեցող ապրանքի դեպքում զրկում է գնորդին ապրանքին ավելի լավ ծանոթանալու հնարավորությունից։ 

IQOS բրենդի ներկայացուցիչը սարքը 7 օրով փորձարկելու առաջարկից չօգտվելն այսպես է մեկնաբանում․ «Շատ չափահաս ծխողներ չեն օգտվում այս հնարավորությունից, քանի որ պարզապես անհարմար են զգում 7 օր հետո սարքը վերադարձնել՝ առանց այն գնելու։  Հետաքրքիր է, որ այլ երկրներում նման դեպքերի շատ ավելի քիչ ենք հանդիպում, անգամ այն դեպքում, երբ սարքը գնելու որևէ պարտավորություն չկա։ Կարծում եմ, խնդիրը մեր ազգի հոգեբանության մեջ է»։

Այլ օրինակ է My Jeans-ը՝  Հայաստանում առաջին առցանց հագուստի խանութը։ Խանութի համահիմնադիր Վլադիմիր Եսայանը նշում է. «հաճախորդներից շատերը առաքում պատվիրելիս «վախենում» են, որ պետք է պարտադիր գնում կատարեն կամ վճարեն առաքման համար, քանի որ առաքումն իրականացնում ենք անվճար։ Այս դեպքում շատ կարևոր է զրուցել հաճախորդի հետ և խրախուսել այն միտքը, որ չգնելու մեջ վատ բան չկա, քանի որ ապրանքը պետք է փորձել, շոշափել, նոր որոշում կայացնել գնելու վերաբերյալ»։ 

Կոմպլեքս 3. Անհարմար է որոշ ապրանքների մասին հարցեր տալ կամ դրանք գնել կին/տղամարդ վաճառողից 

Եթե կին եք, վստահ կհիշեք, ինչպես եք դեղատուն մտնելիս աչքերով փնտրում կին վաճառող, որպեսզի հղիության թեստ, հակաբեղմնավորիչներ կամ հիգիենայի պարագաներ գնեք։ Տղամարդիկ էլ հաճախ աչքերով լուռ ցույց են տալիս ցուցափեղկի տակ դրած քառակուսի տուփերն ու ամաչելով հայացքը գամում գետնին։ Պարզվում է՝ սա շատ հայտնի ու հաճախ հանդիպող բարդույթ է, որը հատուկ է թե՛ կանանց, թե՛ տղամարդկանց։ Մինչդեռ հատկապես դեղորայք ու առողջությանը վերաբերող արտադրանք գնելիս կարևոր է մասնագետի հետ խորհրդակցելը։ 

Էլ Ֆարմա դեղատան աշխատակից Լուիզան արդեն սովորել է այս բարդույթի հետ աշխատել․ «երբ հաճախորդն անհարմար է զգում ասել՝ ինչ է ուզում կամ սպասում է, որ մյուս հաճախորդները դեղատնից դուրս գան, նոր խոսի, ես ժպտում եմ ու առաջինն եմ խոսում, որպեսզի դիսկոմֆորտն անցնի։ Ի վերջո, դեղատան բոլոր աշխատակիցներն էլ ունեն համապատասխան որակավորում և կարող են ուղղորդել դեղ կամ ցանկացած այլ ապրանք գնելիս»։