Տավուշի մարզում ադրբեջանական հրետակոծությունից տուժած բնակիչների կրած վնասների, ինչպես նաև դպրոցների բարեկարգումն ու անվտանգությունը ապահովելու նպատակով կառավարությունը 277,6 միլիոն դրամ կտրամադրի Տավուշի մարզպետարանին։ Հարցն ընդգրկված է կառավարության օգոստոսի 6-ի նիստի օրակարգում։
Ըստ նախագծի 277,6 միլիոն դրամից մոտ 111 միլիոնն ուղղվելու է Այգեպար, Ներքին Կարմիրաղբյուր և Չինարի սահմանամերձ համայնքների բնակիչների վնասված անշարժ գույքի փոխհատուցմանը, մոտ 84 միլիոնը՝ Այգեպար, Մովսես, Ներքին Կարմիրաղբյուր և Չինարի դպրոցների հիմնանորոգմանը և ապաստարանների նորոգմանը, իսկ մոտ 83 միլիոնը` Ներքին Կարմիրաղբյուր համայնքում պուրակի կառուցման և Չինարիում բնակելի տան, օժանդակ շինությունների կառուցման և տարածքի բարեկարգմանը։
Սահմանամերձ համայնքների շենք-շինությունների վերականգնման համար գնումների մրցույթը թույլատրվել է կազմակերպել մեկ անձից գնման ընթացակարգով։ Երկու շաբաթ առաջ կառավարությունը այս նատակով ևս 25 միլիոն դրամ էր հատկացրել Տավուշի մարզպետարանին։
