Արցախի կառավարությունը օգոստոսին հայտարարեց, որ պետական բյուջեի միջոցներով հիմնանորոգվելու է Ստեփանակերտի Վահրամ Փափազյանի անվան պետական դրամատիկական թատրոնի շենքը։ Թատրոնի անձնակազմը 2012-ից աշխատում է շենքից դուրս՝ ոչ հարմարավետ պայմաններում։
Ինչ փուլում են վերանորոգման աշխատանքները, ինչպես է անձնակազմին հաջողվում ոչ պրոֆեսիոնալ պայմաններում բեմադրել պրոֆեսիոնալ ներկայացումներ, ինչ քաղաքականություն է վարում պետությունը արվեստագետների կրթման և պատրաստման հարցում․ այս և այլ հարցերի շուրջ ՍիվիլՆեթի Անժելիկա Զաքարյանը զրուցել է թատրոնի անձնակազմի ու կրթության, գիտության և մշակույթի նախարար Լուսինե Ղարախանյանի հետ։
