Ադրբեջանը անհապաղ կխզի դիվանագիտական հարաբերությունները ցանկացած երկրի հետ, որը կճանաչի Լեռնային Ղարաբաղի անկախությունը․ այսպիսի հայտարություն է արել Ադրբեջանի նախագահ Իլհամ Ալիևը՝ համոզմունք հայտնելով, որ «այդպիսի երկրներ չեն գտնվի»։
Haber Turk հեռուստաալիքին տված հարցազրույցում Ալիևը խոսել է հակամարտության ավարտից հետո Լեռնային Ղարաբաղում «հայ և ադրբեջանցի ժողովուրդներին համատեղ կյանքի նախապատրաստելու» մասին։ Ինչ վերաբերում է հակամարտության գոտում խաղաղապահների տեղակայմանը՝ դա, ըստ Ալիևի, հնարավոր է «միայն Հայաստանի և Ադրբեջանի համաձայնությամբ»։
Ադրբեջանի նախագահը անգամ խոսել է Լեռնային Ղարաբաղում «ներդրումների և սոցիալական ծրագրերի իրականացման մասին»։
