Թրամփն ասել է, որ մասնակցում է Ղարաբաղի շուրջ միջնորդությանը

ԱՄՆ նախագահ Դոնալդ Թրամփը հայտարարել է, որ մասնակցում է Լեռնային Ղարաբաղի շուրջ բանակցություններին, հայտնել են ԱՄՆ նախագահականում հավատարմագրված լրագրողները, հաղորդում է ՌԻԱ Նովոստին։

«Թրամփը հայտարարել է, որ մասնակցում է Հայաստանի և Ադրբեջանի միջև միջնորդությանը, սակայն չի հայտնել, թե խոսել է արդյոք երկրների ղեկավարների հետ»,- հայտնել են նախագահականի լրագրողները:

Հայաստանի և Ադրբեջանի արտգործնախարարները ուրբաթ օրը Վաշինգտոնում էին, որտեղ առանձին-առանձին հանդիպում են ունեցել ԱՄՆ պետքարտուղար Մայք Պոմպեոյի հետ:

Թրամփը հայտնել է Լեռնային Ղարաբաղում ռազմական գործողությունների ավարտի շուրջ բանակցություններում «լավ առաջընթացի» մասին։