ՀՀ վարչապետ Նիկոլ Փաշինյանը կարծում է, որ ադրբեջանական իշխանությունները ի վիճակի չեն կատարելու իրենց ստանձնած պարտավորությունները, քանի որ խախտելով քաղաքացիական և ոչ ռազմական օբյեկտներին հարվածները դադարեցնելու մասին պայմանավորվածությունները, շաբաթ առավոտյան սկսել են ռմբակոծել Ստեփանակերտ և Շուշի քաղաքները Ղարաբաղում:
«Չնայած քաղաքացիական բնակչությանը և քաղաքացիական ենթակառուցվածքներին հարվածներ չհասցնելու ձեռք բերված համաձայնությանը, վաղ առավոտից Ադրբեջանը վերսկսել է Շուշիի և Ստեփանակերտի ռմբակոծությունները: Ադրբեջանի ղեկավարությունն անկարող է կատարել իր պարտավորությունները, և Արցախի խաղաղ բնակչությունը նրա գլխավոր թշնամին և նպատակն է», – գրել է Փաշինյանը Twitter-ում։
Despite agreement reached not to target civilians & civilian infrastructure, since early morning #Azerbaijan resumed bombing of #Shushi & #Stepanakert. Azerbaijan leadership is not capable to fulfill its own commitments and #Artsakh civilian population is its main enemy & target. pic.twitter.com/ugC2gL2wmE
— Nikol Pashinyan (@NikolPashinyan) October 31, 2020
Հոկտեմբերի 30-ին Ժնևում կայացած Հայաստանի և Ադրբեջանի ԱԳ նախարարների բանակցությունների արդյունքում ԵԱՀԿ Մինսկի խումբը հայտարարություն էր տարածել, որ Երևանն ու Բաքուն պայմանավորվել են մի շարք քայլեր ձեռնարկել Լեռնային Ղարաբաղում հրադադարի ռեժիմի պահպանման ուղղությամբ, այդ թվում՝ դիտավորյալ հարվածներ չհասցնել քաղաքացիական բնակչությանը և ոչ ռազմական օբյեկտներին: