Հունվարի 16-ին ՀՀ կառավարությունը գումարել է հերթական նիստը։
-
Հայկական ռևանշիզմի հայրը Ալիևն է
ՍիվիլՆեթի մեկնաբան Էրիկ Հակոբյանն այս շաբաթվա իր հաղորդմանն անդրադառնում է վարչապետ Նիկոլ Փաշինյանի հարցուպատասխանի ժամանակ հնչած մտքերին, հայ-ռուսական հարաբերություններին և Ադրբեջանի նախագահ Իլհամ Ալիևի վախերին։ Հակոբյանը կարծում է, որ Հայաստանը Ռուսաստանին զենքի համար վճարած գումարի և այդ զենքն այդպես էլ չստանալու դիմաց կարող է հետ ստանալ իր որոշ ակտիվներ, օրինակ՝ ներքին գազաբաշխիչ ցանցը։
-
«Տղերքը մահացան բարդակի պատճառով»․ Ազատ գյուղի կացարանում զոհված զինվորների գործով
«Լա՞յվ եք, նկարո՞ւմ եք․ նկարեք, թող բոլորը լսեն՝ ինչ ա եղել»,- Ազատ գյուղում զինծառայողների մահվան գործով դեկտեմբերի 1-ի դատական նիստը լուսաբանող երկու լրատվամիջոցին՝ ՍիվիլՆեթին ու Ազատությանը, դիմում էին մահացած զինվորների ծնողները։ Հերթական նիստը մեկնարկեց կեսօրին, անընդմեջ ընդհատվում էր, որովհետև կրքերը ոչ մի կերպ չէին հանդարտվում։ Ծնողները զայրացած սկսեցին բղավել, երբ դատարան բերեցին կալանավորված ամբաստանյալներից Եղիշե Հակոբյանին։ Նա հենց այն կապիտանն է, որը, ըստ մեղադրանքի, 2023-ի հունվարի 19-ի գիշերը Ազատ գյուղում գտնվող զորանոցում խախտել է ավտոբենզինի հետ վարվելու կանոնը, ինչի հետևանքով կացարանում հրդեհ է բռնկվել ու զոհվել են 15 զինծառայողներ, մյուսները մարմնական վնասվածքներ ստացել։ Ամբողջ դատաքննության ընթացքում ծնողների շրջանում նկատելի էր […]
-
N32 մարտական դիրքի կռիվը Մարտունու պաշտպանության համար
Հայկ Ղազարյան 2023-ի սեպտեմբերի 19-20-ի արցախյան մեկօրյա պատերազմում թեժ էր նաև Մարտունի–Ճարտար հատվածում, հատկապես՝ Մարտունի քաղաքից 2 կմ հեռավորության վրա գտնվող N32 մարտական դիրքում։ N32 դիրքը ռազմավարական նշանակություն ունեցող Կոհակ սարի (կորցրել ենք 44-օրյա պատերազմի վերջին օրերին) առջևի բարձունքում է։ Այս և հարևան մի քանի դիրքերի պահպանությունը 2023-ի գարնանից սկսեց իրականացնել աշխարհազորը՝ այն ընդունելով Պաշտպանության բանակի Մարտունու 3-րդ բրիգադի 2-րդ գումարտակից։ Շտապօգնության մեքենաները պատերազմ էին կանխագուշակում Սեպտեմբերի 19-ին դիրքում տասը մարտիկ կար, ութը՝ աշխարհազորային, երկուսը՝ 3-րդ բրիգադի ծառայողներ՝ «ֆագոտահարներ» (բանակը աշխարհազորայիններին «Ֆագոտ» հակատանկային հրթիռային համակարգ էր տրամադրել)։ Դիրքի ավագ, աշխարհազորային Արամ Պետրոսյանը պատմում է, որ սեպտեմբերի 15-ից շարժը շատացել էր․ […]
-
Ինչպես են արցախցիները տեղավորվել Տեղում
Տեղ համայնքում Արցախից տեղահանված 69 ընտանիք է հաստատվել: Նրանցից շատերն արդեն աշխատանք են գտել: Համայնքը բարերարների աջակցությամբ տեղահանվածների կարիքների գնահատում է իրականացնում և ապահովում ահրաժեշտ միջոցներով։ Առաջիկայում էլ նախատեսում է բնակարաններ կառուցել տեղահանվածներին տներով ապահովելու համար։
-
Ի՞նչ պետք է սովորեցնի աշխարհին Հենրի Քիսինջերի դիվանագիտությունը
Նոյեմբերի 30-ին 100 տարեկանում կյանքից հեռացավ ամերիկացի նշանավոր դիվանագետ, նախկին պետքարտուղար և հռչակավոր պատմաբան Հենրի Քիսինջերը։ The Economist-ը վերլուծում է քիսինջերյան դիվանագիտության կարևորությունն այսօրվա տեսանկյունից։ Հենրի Քիսինջերը, որն այդքան անխոնջ քարոզում էր իր սեփական տեսակետները, զարմանալիորեն մնում է սխալ հասկացված: Շատերը նրան համարում են Ամերիկան արատավորող անբարոյական ռեալիզմի գլխավոր մարմնավորում: Իհարկե, ինչպես ցանկացած դիվանագետ, նա ստում էր իր երկրի համար (երբեմն նաև իր համար): Ավելի մտահոգիչ էր, որ նա պատրաստ էր տասնյակ հազարավոր մարդկանց սպանություն հանդուրժել, եթե կարծում էր, որ դա բխում է ազգային շահից: Այնուամենայնիվ, պարոն Քիսինջերին, որն այս շաբաթ հեռացավ կյանքի հարյուրերորդ տարում, առանձնահատուկ էր ոչ միայն ռեալպոլիտիկը, […]
-
Երևան-Գյումրի ճանապարհին տեղի ունեցած վթարի հետևանքով կան զոհեր ու վիրավորներ
Երևան-Գյումրի ճանապարհին տեղի ունեցած ավտովթարի հետևանքով մահացել է երկու մարդ։ Եվս երեք հոգի հոսպիտալացվել է, նրանցից մեկի վիճակը ծայրահեղ ծանր է։ Այդ մասին հայտնում է Հայաստանի ներքին գործերի նախարարության փրկարար ծառայությունը։ «Դեկտեմբերի 1-ին, ժամը 11:42-ին ահազանգ է ստացվել, որ Հոռոմ-Բենիամին ավտոճանապարհին տեղի է ունեցել ճանապարհատրանսպորտային պատահար։ Պարզվել է, որ Երևան-Գյումրի ավտոճանապարհի 109-րդ կմ-ին բախվել են, BMW (վարորդ՝ Ա․ Ս․, ծնված 1982 թ.), Ford (վարորդ՝ Վ․ Կ․, ծնված 1989 թ.) և Mercedes-Benz (վարորդ` Գ. Ս., ծնված 1992 թ.) մակնիշների ավտոմեքենաները. վերջինիս վարորդը և ուղևոր Ի․ Հ․-ն (ծնված 1977 թ.) տեղում մահացել են»,- ասված է հաղորդագրությունում։ Ford-ի վարորդն ու Mercedes-Benz-ի ուղևոր հոսպիտալացվել […]
-
ՔՊ-ական պատգամավորը պաշտոնավարում է՝ ընկերությունում տնօրեն ու բաժնետեր լինելուն զուգահեռ
Ազգային ժողովի «Քաղաքացիական պայմանագիր» խմբակցության անդամ Տրդատ Սարգսյանը պատգամավոր լինելուն զուգահեռ շարունակում է տնօրեն մնալ «Պրոմենադ» ընկերությունում։ Սա արգելված է հանրային ծառայության մասին օրենքով ու կարող է դիտվել պաշտոնի անհամատեղելիություն։ Սարգսյանը նաև օրենքի պահանջը չի կատարել ու ընկերությունում իր ունեցած բաժնեմասը չի հանձնել հավատարմագրային կառավարման։ Այդ մասին տեղեկանում ենք իրավաբանական անձանց էլեկտրոնային ռեգիստրից։ Տրդատ Սարգսյանը Ազգային ժողովի պատգամավոր է 2021-ից։ 2018-ից մինչև 2019-ի հոկտեմբերը նա Վայոց ձորի մարզպետ էր։ Սարգսյանի պաշտոնանկությունը կապվում էր փոխգնդապետ Արա Մխիթարյանին ծեծի ենթարկելու դեպքի հետ։ Դեպքից 4 տարի անց Մխիթարյանը, կոմայի մեջ գտնվելով, մահացավ։ Մեղադրյալի աթոռին հայտնվեցին Տրդատ Սարգսյանի օգնականն ու նրա եղբայրը, Մխիթարյանի հարազատները […]
-
Էրդողանի կառավարությունը միջամտում է պոլսահայերի գործերին
Հրապարակախոս Ռոբեր Քոփթաշը ՍիվիլՆեթի հետ զրույցում խոսում է հայ համայնքի վարչական կառավարման մարմնի՝ հիմնադրամների (վաքըֆների) մասին` նշելով, որ դրանց ղեկավար կազմի ընտրությունները բարդանում են։ Նա դրանցում տեսնում է իշխանությունների անմիջական միջամտությունը, քանզի ըստ նրա, հիմնադրամները՝ հատկապես հայկական բժշկական հաստատությունները, ունեն ֆինանսական մեծ եկամուտներ և լծակներ հայ համայնքի ներսում։ Քոփթաշը մանրամասնում է հայկական հիմնադրամների և Պատրիարքության փոխհարաբերությունները՝ նշելով նրանց ազդեցության գոտիները։ Դիտեք նաև՝ Չնայած պաղեստինյան ճգնաժամին՝ Կովկասի հարցերը շարունակում են լինել Թուրքիայի օրակարգում․ Քոփթաշ Էրդողանի հեղինակությունն ընկնում է իսլամական աշխարհում․ Ռոբեր Քոփթաշ Ի՞նչ ուղերձ հղեց Թուրքիայի իշխանությունը՝ ազատելով Դինքին սպանած Սամասթին «Միջանցքի» հարցը Թուրքիայի համար շատ կարևոր է
