Երևանի Մոսկովյան 31 հասցեում այսօրվանից գործում է «Ժառանգություն» և «Ազատ դեմոկրատներ» կուսակցությունների կենտրոնական միասնական շտաբը:
Խ. Քոքոբելյան. խելքին` խելքով, ուժին` ուժով
-
Տեղի է ունեցել Անվտանգության խորհրդի ընդլայնված կազմով նիստ
Վարչապետի պաշտոնակատար Նիկոլ Փաշինյանի գլխավորությամբ տեղի է ունեցել Անվտանգության խորհրդի ընդլայնված կազմով նիստ, հաղորդում է կառավարության մամուլի ծառայությունը։ Քննարկվել են հայ-ադրբեջանական սահմանին ստեղծված իրավիճակի կարգավորման ուղղությամբ բանակցությունների ընթացքին և Հայաստանի ինքնիշխան տարածքի անձեռնմխելիության ապահովմանն ուղղված հետագա քայլերին վերաբերող հարցեր։
-
Երեք նախագահների դաշինքի առաջարկի նպատակն էր խափանել Փաշինյանի վերարտադրությունը և
Հայ ազգային կոնգրեսի մայիսի 16-ին համագումարին Հայաստանի առաջին նախագահ Լևոն Տեր-Պետրոսյանն իր ելույթում անդրադարձավ արցախյան վերջին պատերազմում կրած պարտության, երեք նախագահների դաշինքով ընտրություններին գնալու իր առաջարկին, առաջիկա ընտրություններից ակնկալիքներին և ՀԱԿ-ի մասնակցությանն այդ ընտրություններին։ Տեր-Պետրոսյանն ելույթի համար ընտրել էր ինքնահարցազրույցի ժանրը։ Առաջին նախագահի բարձրացրած հարցերն ու պատասխանները՝ ստորև․ – Ո՞րն է Արցախյան վերջին պատերազմում մեր կրած պարտության պատճառը։ «Մենք պարտվել ենք ոչ թե Ադրբեջանին, այլ պարտությունն ինքներս ենք բերել մեր գլխին։ Վերջին 23 տարիների ընթացքում մեր երկրի իշխանությունների վարած արկածախնդրական ու անպատասխանատու քաղաքականության հետևանքով։ Պարտության հիմքը դրվել է 1998-ին, այդ իշխանությունների կողմից որդեգրված ստատուս-քվոյի պահպանման և ոչ մի թիզ հող […]
-
Հայ ազգային կոնգրեսը կմասնակցի ընտրություններին, ցուցակը կգլխավորի Տեր-Պետրոսյանը
Հայ ազգային կոնգրես կուսակցությունը մասնակցելու է առաջիկա արտահերթ խորհրդարանական ընտրություններին, ցուցակը գլխավորելու է Հայաստանի առաջին նախագահ Լևոն Տեր-Պետրոսյանը։ Հայ ազգային կոնգրեսի այսօրվա՝ մայիսի 16-ի համագումարի ժամանակ Լևոն Տեր-Պետրոսյանն ասաց, որ պայքարը դժվար է լինելու, բայց Կոնգրեսի ներկայությունը խորհրդարանում անհրաժեշտ է «թեկուզ միայն այն պատճառով, որպեսզի համատարած կակաֆոնիայի մթնոլորտում ողջախոհության ճրագը մեր երկրում չմարի»։ «Ինչ վերաբերում է Կոնգրեսի՝ ընտրություններին մասնակցելու կամ չմասնակցելու վճռին, ապա համագումարից խնդրում եմ դրա իրավասությունը պատվիրակել նորընտիր վարչությանը։ Եթե վարչությունը որոշի մասնակցել ընտրություններին, ապա ինքնըստինքյան հասկանալի է, որ Կոնգրեսի ցուցակը գլխավորելու պարտավորությունը ջարդվելու է իմ գլխին»,- նշեց Տեր-Պետրոսյանը։
-
Ադրբեջանական կողմը փորձել է թիկունքային ապահովման որոշակի աշխատանքներ իրականացնել, ինչը
Հայաստանի Հանրապետության Սյունիքի և Գեղարքունիքի մարզերի սահմանային որոշ հատվածներում ադրբեջանական զինուժի ձեռնարկած սադրիչ գործողություններից հետո ստեղծված իրադրությունը, մայիսի 16-ի առավոտյան դրությամբ, ընդհանուր առմամբ, փոփոխության չի ենթարկվել: Այս մասին հայտնում է ՀՀ ՊՆ-ն։ Գիշերն ադրբեջանական կողմը փորձել է թիկունքային ապահովման որոշակի աշխատանքներ իրականացնել, ինչը կանխվել է հայկական ստորաբաժանումների կողմից։ «Հիշեցնենք, որ բոլոր երեք ուղղություններում, որտեղ ադրբեջանական զինուժը փորձել է դիրքային առաջխաղացում ստանալ, ապահովման բոլոր հնարավոր ուղիները գտնվում են հայկական զինված ուժերի լիարժեք վերահսկողության տակ, այսինքն՝ նրանք զրկված են սպառազինության և այլ միջոցների համալրման հնարավորությունից։ Իրադրությունը կայուն է, Ադրբեջանի ԶՈՒ ներկայացուցիչները ամրաշինական որևէ գործողություն չեն իրականացնում և իրավիճակի սրման փորձեր չեն անում։ […]
-
Ադրբեջանը «խորհուրդ է տալիս երկկողմ խողովակներով կառուցողական կերպով լուծել սահմանային
Մենք խորհուրդ ենք տալիս Հայաստանի քաղաքական և ռազմական շրջանակներին ճանաչել միջազգային սահմանի երկայնքով միջպետական սահմանային ռեժիմի իրականությունը, թույլ չտալ իրավիճակի չհիմնավորված սրում տարածաշրջանում և կառուցողական կերպով լուծել ադրբեջանական կողմի հետ սահմանային հարցերը երկկողմ խողովակներով․ այսպիսի հայտարարություն է արել Ադրբեջանի ԱԳՆ խոսնակ Լեյլա Աբդուլաևան։ Ինչպես հաղորդում է ադրբեջանական Trend լրատվականը, Աբդուլաևան, մեկնաբանելով Հայաստանի պահանջները հայ-ադրբեջանական սահմանին վերջին միջադեպերի վերաբերյալ, ինչպես նաև Հայաստանի պնդումները, որ Ադրբեջանը խախտել է իր ինքնիշխան տարածքը, ասել է․ «Այդ պնդումները բացարձակ անհիմն են։ Ադրբեջանի ԱԳՆ-ն, այդ կապակցությամբ հայտարարություն տարածելով, հստակեցրել է Հայաստանի և Ադրբեջանի սահմանին լարվածության հետ կապված իրավիճակը։ Նախևառաջ ուզում եմ ընդգծել, որ սահմանային խնդիրների սկզբնապատճառը […]
-
Այգեհատ. «հատված այգիների» գյուղը
Լոռու մարզի Այգեհատ գյուղի ավագ սերունդը հաճախ կիրառում է համայնքի նախկին անվանումները՝ Իգահատ կամ Իկհատ։ Այս գյուղը նախկինում մտել է Թիֆլիսի նահանգի գավառներից մեկի մեջ և ի թիվս վերոնշյալ անվանումների՝ կոչվել է նաև Իգոկաթ և Դանուշավան։ Ըստ պաշտոնական աղբյուրների՝ Իգահատ, ապա և Այգեհատ անվանումները ստացել է այն պատճառով, որ շրջակայքում եղած այգիները հատվել են։
