Վահրամ Պողոսյանի ֆեյսբուքյան էջը կոտրված չէ. Փաստերի ստուգման հարթակ

Փաստերի ստուգման հարթակը հայտնում է, որ Արցախի նախագահի մամուլի խոսնակ Վահրամ Պողոսյանի ֆեյսբուքյան էջը կոտրված չէ։

«Արցախի նախագահի մամուլի խոսնակ Վահրամ Պողոսյանը ֆեյսբուքյան իր էջում գրառում է արել, որ Շուշի քաղաքն ամբողջությամբ դուրս է հայկական ուժերի վերահսկողությունից։
Գրառումից րոպեներ հետո ֆեյսբուքյան շատ օգտատերեր գրեցին, որ Պողոսյանի էջը կոտրվել է, և գրառումը չի համապատասխանում իրականությանը։

«Փաստերի ստուգման հարթակին», սակայն, հաջողվեց կապվել Վահրամ Պողոսյանի հետ, որը հաստատեց, որ գրառման հեղինակն ինքն է, և վերոնշյալ տեղեկությունը համապատասխանում է իրականությանը»,- գրում է հարթակը։