Նիկոլ Փաշինյանը «մտածում է առաջիկայում հանրահավաք կազմակերպելու մասին»

Վարչապետ Նիկոլ Փաշինյանի խոսնակ Մանե Գևորգյանը հրապարակել է նրա հայտարարությունը, որը ներկայացված է ստորև․

«Առաջիկայում մտածում եմ հանրահավաք կազմակերպելու մասին։

Հայրենիք ծախողները, ազատագրված տարածքները փողով ծախողները չեն հաջողելու. բացառված է։ Ձեր դղյակները վերադարձվելու են ժողովրդին։

Արժանապատիվ քաղաքացիներին կոչ եմ անում պատրաստ լինել, որ մենք գնալու ենք դեբոշ անողների եւ իրենց շեֆերի հետեւից, «Դաշնակցության» կոռուպցիոն հատվածի հետեւից, ՀՀԿ-ական, ԲՀԿ-ական թալանչիների, «Հայրենիք»-ի դասալիքի հետեւից, որը դիրքը թողել, փախել է ու դասալքության համար պետք է դատվի»,- ասված է հայտարարությունում։

Լուսանկարը՝ 2018թ․ հոկտեմբերի 2-ի