Արցախի նախագահ Արայիկ Հարությունյանը հանդիպել է 2020 թվականի սեպտեմբերի 27-ից ի վեր Արցախի Հանրապետության դեմ Ադրբեջանի սանձազերծած լայնամասշտաբ ռազմագործողություններին մասնակից աշխարհազորային ջոկատների հրամանատարների հետ: Քննարկել են Արցախում տիրող իրավիճակը և տարբեր ձևաչափերով նախորդ հանդիպումների ընթացքում բարձրաձայնված խնդիրների շտկման ուղղությամբ տարվելիք կոնկրետ քայլեր։
Ի՞նչ կլիներ, եթե պատերազմը չկանգներ․ Արայիկ Հարությունյանը պարզաբանել է, որ այդ սցենարի դեպքում «կկորցնեինք ամբողջ Արցախը, ավելի քան 140 հազար փախստական կլիներ»։ Զինվորականները քաղաքական գործիչներին կոչ են արել՝ զերծ մնալ տեղի ունեցածը շահարկելուց։
