ՀՀ վարչապետ Նիկոլ Փաշինյանի և գործադիր իշխանության աջակիցները նոյեմբերի 18-ին հավաքվել են կառավարության շենքի մոտ: Նրանք իրենց աջակցությունն են հայտնում վարչապետին՝ նշելով, որ նա չպետք է հրաժարական ներկայացնի զբաղեցրած պաշտոնից:
Ակցիայի մասնակիցներին մոտեցավ վարչապետի աշխատակազմի ղեկավար Էդուարդ Աղաջանյանը՝ հավաստիացնելով, որ վարչապետի հրաժարականի հարցը չի քննարկվում:
Հավաքի մասնակիցներին մոտեցավ նաև Նիկոլ Փաշինյանը, ով շնորհակալություն հայտնեց աջակիցներին՝ խնդրելով դադարեցնել հավաքը։
«Ես ժողովրդին չեմ դավաճանել։ Ես ձեզ խոստանում եմ, երբ կլինի անհրաժեշտություն, ես ձեզ բոլորիդ կհրավիրեմ հրապարակ»,- ասաց նա։