Նոյեմբերի 23-ին և 24-ին ՌԴ նախագահ Վլադիմիր Պուտինը հեռախոսազրույցներ է ունեցել վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ։ Այս մասին հայտնում է Կրեմլի մամուլի ծառայությունը։
Մանրամասն քննարկվել է նոյեմբերի 21-ին ռուսկաան միջգերատեսչական պատվիրակության այցը Երևան և Բաքու, ինչպես նաև երեք երկրների ղեկավարների՝ նոյեմբերի 9-ի համատեղ հայտարարության դրույթների կատարման առաջընթացը։
Քննարկվել են Լեռնային Ղարաբաղի շրջանում ռուս խաղաղապահների աշխատանքի կարգը և բնակչությանը մարդասիրական օգնություն տրամադրելու հետագա քայլերը։
Անդրադարձ է կատարվել տարածաշրջանում տնտեսական փոխգործակցության և տրանսպորտային հաղորդակցության ապաշրջափակման խնդիրներին:
