Վարչապետ Նիկոլ Փաշինյանը անդրադարձել է Ֆրանսիայի Սենատի կողմից Արցախի ճանաչման բանաձևին։
«Ֆրանսիայի Սենատի կայացրած որոշումը պատմական է։ Արցախի միջազգային ճանաչումը մտնում է միջազգային օրակարգ»,- գրել է նա։
Նոյեմբերի 25-ին Ֆրանսիայի Հանրապետության Սենատը որոշում է կայացրել՝ ընդունելով «Լեռնային Ղարաբաղի Հանրապետության ճանաչման անհրաժեշտության վերաբերյալ» բանաձևը, որը ներկայացվել էր Սենատի 5 քաղաքական խմբակցությունների կողմից։
Բանաձևը Կառավարության համար խորհրդատվական բնույթ ունի։