Միաբանության երթ՝ միասնական գործելու, ոչ թե քաղաքական հարցեր լուծելու համար

Արվեստի և շոու բիզնեսի մի շարք գործիչներ, քաղաքացիներ նոյեմբերի 30-ին հերթական միաբանության երթն անցկացրին։ Նրանց նպատակն է պետության և միջազգային հանրության ուշադրությունը ևս մեկ անգամ հրավիրել գերիների ու անհետ կորածների խնդիրներին։ Երթի կազմակերպիչներից դերասան Հրանտ Թոխատյանն իր ելույթում շեշտեց, որ իրենց ակցիան քաղաքական որևէ նպատակ չի հետապնդում։ Այսօրվա երթի ուղղությունը Հայաստանում Ֆրանսիայի դեսպանատունն էր, մասնակիցները դեսպանին նամակ փոխանցեցին։ Վաղը նմանաբնույթ ակցիա տեղի կունենա Հայաստանում ԱՄՆ դեսպանատան դիմաց։