ՀՀ ոստիկանությունը պարզաբանում է տվել «Հրապարակ» օրաթերթի ապրիլի 11-ի համարում տպագրված «Օդից բռնած մարդիկ» հոդվածում նշված փաստերին: Թերթում նշված էր, որ Վարդենիս քաղաքի մի շարք հասցեներում հաշվառված են միմյանց հետ ազգակցական կապ չունեցող քաղաքացիներ: Այսպես` Երևանյան փողոցի տուն 3 հասցեում`16, Տեր-Գաբրիելյան փողոցի տուն 11 հասցեում` 11, Կոմիտաս փողոցի տուն 14 հասցեում` 10 քաղաքացի: Ինչպես տեղեկնում են ոստիկանության լրատվական ծառայությունից, կատարված ուսումնասիրությամբ պարզվել է, որ միևնույն հասցեում, բայց տարբեր ազգանուններով հաշվառված քաղաքացիները տարբեր ընտանիքների անդամներ են, որոնք տեղական ինքնակառավարման մարմինների կողմից իրականացված հասցեավորման ոչ լիարժեք աշխատանքների արդյունքում բնակչության պետական ռեգիստրում հաշվառվել են միևնույն հասցեներում:
Տեղական ինքնակառավարման մարմինների հետ համագործակցության արդյունքում հասցեավորման թերությունները կշտկվեն:
