ՀՅԴ ԳՄ ներկայացուցիչ Իշխան Սաղաթելյանը քիչ առաջ կոչ արեց սկսկել խաղաղ անհնազանդության ակցիաներ։
«Ինչպես տեսնում եք, Նիկոլ Փաշինյանը հրաժարական չի ներկայացրել, հետևաբար այս պահից սկսած մինչև 17։00-ն ՀՀ քաղաքացիները ունեն լեգիտիմ իրավունք իրենց խաղաղ, անհնազանդության ակցիաները և գործողությունները անելու, իրենց բողոքը, իրենց պահանջը տեղ հասցնելու համար»,- հայտարարեց Սաղաթելյանը։
Նա կոչ արեց բոլոր գործողություններն անել «օրենքի սահմաններում»։
Սաղաթելյանն իրավապահ համակարգին հորդորեց չկատարել Նիկոլ Փաշինյանի ապօրինի հրահանգներն ու ուժ չկիրառել ժողովրդի նկատմամբ։
«Նիկո՛լ, հեռացի՛ր անցնցում», – հայտարարեց Դաշնակցության ներկայացուցիչը։
***
Դեկտեմբերի 5-ին տեղի ունեցավ «Հայրենիքի փրկության շարժման» համազգային հանրահավաքը, որի ընթացքում ՀՅԴ Հայաստանի Գերագույն մարմնի ներկայացուցիչ, շարժման համակարգող Իշխան Սաղաթելյանը ներկայացրեց շարժման պահանջը՝ վարչապետ Նիկոլ Փաշինյանին և թիմին հեռանալու համար ժամանակ տալով մինչև դեկտեմբերի 8-ը՝ ժամը 12։00-ն։
Ոստիկանությունն այսօր «օրինահարգության և համակեցության կանոնների պահպանման կոչ է արել»։