Իրանը ողջունում է Լեռնային Ղարաբաղում ռազմական գործողությունների դադարեցումն ու Ադրբեջանի տարածքային ամբողջականության վերականգնումը․ այսպիսի հայտարարություն է արել Իրանի արտաքին գործերի նախարար Մոհամմադ Ջավադ Զարիֆը Թեհրանում ադրբեջանցի իր պաշտոնակից Ջեյհուն Բայրամովի հետ հանդիպմանը։
Թվիթերում իր գրառման մեջ Զարիֆը հայտնել է, որ Բայրամովի հետ բեղմնավոր բանակցություններ են վարել երկկողմ համագործակցության շուրջ՝ քննարկելով պատերազմի արդյունքում ավերված տարածքների վերականգնումը, Հյուսիս-Հարավ միջանցքը, Կասպյան էներգետիկ ռեսուրսները և այլն։
Pleased to host Azerbaijan’s FM @bayramov_jeyhun. Welcomed end of hostilities and restoration of Azeri territorial integrity.
Fruitful talks on furthering comprehensive bilateral cooperation—incl reconstruction of war-torn areas, North/South Corridor, Caspian energy & much more. pic.twitter.com/ZEhnqqpaRZ
— Javad Zarif (@JZarif) December 9, 2020
Թեհրանում Բայրամովը հանդիպումներ է ունեցել նաև նախագահ Հասան Ռոհանիի հետ և Ազգային անվտանգության խորհրդի քարտուղար Ալի Շամխանիի հետ։
Ռոհանին ողջունել է Լեռնային Ղարաբաղում հրադադարի հաստատումը՝ նշելով, որ Իրանը պատրաստ է կառուցողական դեր խաղալ տարածաշրջանում՝ խթանելու կայունություն և ամպապնդելու հրադադարը։