ԿԲ-ն 1 տոկոսային կետով բարձրացրել է վերաֆինանսավորման տոկոսադրույքը 

Դեկտեմբերի 15-ի նիստում Կենտրոնական բանկի խորհուրդը որոշել է բարձրացնել վերաֆինանսավորման տոկոսադրույքը 1 տոկոսային կետով՝ սահմանելով 5,25 տոկոս: 

Կենտրոնական բանկի հաղորդագրությունում նշվում է, որ իր կողմից տրամադրվող լոմբարդային ռեպոյի տոկոսադրույքը սահմանվել է 6,75 տոկոս, իսկ բանկերից ներգրավվող միջոցների տոկոսադրույքը` 3,75 տոկոս:

Վերջին երեք տարում Կենտրոնական բանկը մշտապես նվազեցնում էր վերաֆինասավորման տոկոսադրույքը՝ նպատակ ունենալով այդ կերպ առավել մատչելի դարձնել ֆինանսական միջոցների հասանելիությունը տնտեսությունում: 

Գնաճային ճնշումների գրեթե բացակայության և կորոնավիրուսի համավարակի հտևանքով տնտեսության դինամիկայի կտրուկ անկման ֆոնին ԿԲ-ն ակտիվացրել էր մոնետար գործիքակազմի կիրառումը: