Շուշին հնարավոր էր պահել, հակառակորդին պետք էր Հադրութում կանգնեցնել. Սեյրան Օհանյան

Հայաստանի պաշտպանության նախկին նախարար (2008-16), գեներալ-գնդապետ Սեյրան Օհանյանը համոզված է, որ ճիշտ կառավարման դեպքում հայկական կողմը կարող էր պատերազմում չպարտվել և ինչ-որ բնագծերում կանգնեցնել հակառակորդին: ՍիվիլՆեթի Թաթուլ Հակոբյանի հետ զրույցում Օհանյանը նշում է պարտության մի շարք պատճառներ: Նա ընդգծում է, որ Շուշին հնարավոր էր պահել, բայց դրա համար առաջին հերթին պետք էր Հադրութում կանգնեցնել հակառակորդին: Օհանյանը նոյեմբերի 6-ի առավոտյան է դուրս եկել Շուշիից, երբ շարունակվում էին մարտերը քաղաքում և մերձակայքում: Պաշտպանության նախկին նախարարը նաև ընդգծում է, որ հոգեբանական այս վիճակից դուրս գալու համար անհրաժեշտ է, որ գործող իշխանությունները հեռանան: