Ռուսաստանի և Թուրքիայի հարաբերությունների օրակարգում ղարաբաղյան հակամարտության կարգավորման գործընթացը դարձել է առաջնահերթություն․ այդ մասին դեկտեմբերի 29-ին Սոչիում հայտարարել է Ռուսաստանի արտգործնախարար նախարար Սերգեյ Լավրովը թուրք պաշտոնակից Մևլութ Չավուշօղլուի հետ հանդիպմանը։ Սոչիում անցկացվում է ռուս-թուրքական ռազմավարական պլանավորման համատեղ խմբի հերթական նիստը։
«Մենք ունենք բավական հարուստ միջազգային հարցերի օրակարգ: Դա, իհարկե, Սիրիայի հակամարտության կարգավորման՝ Աստանայի ձևաչափով աշխատանքն է, Լիբիայում հակամարտության կարգավորման գործում, Մերձավոր Արևելքի տարածաշրջանի այլ հատվածներում փոխգործակցությունն է, ինչպես նաև Լեռնաին Ղարաբաղի թեման է, որն այժմ դարձել է առաջնահերթություն», – ասել է Լավրովը:
Ռուս-թուրքական համագործակցության աշխարհարգրությունը, Լավրովի խոսքով, ներառում է նաև սևծովյան և միջինասիական տարածաշրջանները:
Հանդիպմանը Թուրքիայի ԱԳ նախարար Մևլութ Չավուշօղլուն հայտարարել է, որ երկու պետությունների առաջնորդների «սերտ և վստահելի երկոսությունը» թույլ է տալիս զարգացնել «ոչ միայն Ռուսաստանի և Թուրքիայի, այլև տարածաշրջանային հարաբերությունները»:
«Մենք քննարկելու ենք տարածաշրջանային հարցերը», – նշել է Թուրքիայի ԱԳ նախարարը՝ հավելելով, որ տարածաշրջանային համագործակցությունը ներդրում է ունենում «այդ խնդրների կարգավորման գործում»:
