Դեկտեմբերի 30-ին կատարվել է 2 855 թեստավորում, հաստատվել է կորոնավիրուսային հիվանդության 531 նոր դեպք, այսինքն դրական է թեստերի 18,5 տոկոսը։ Այս մասին տեղեկացնում է ՀՀ առողջապահության նախարարությունը։ Առողջացել է 957 մարդ, գրանցվել է 6 մահվան դեպք:
Նախորդ օրն արձանագրվել է մահվան 5 դեպք, երբ պացիենտներն ունեցել են կորոնավիրուսային վարակ, սակայն մահը վրա է հասել այլ հիվանդության պատճառով։ Այդպիսի դեպքերի ընդհանուր թիվը 684 է:
Դեկտեմբերի 31-ի ժամը 11:00-ի դրությամբ հաստատվել է կորոնավիրուսային հիվանդության ընդհանուր 159 409 դեպք, որոնցից 142 801-ը՝ առողջացած, 2 823-ը՝ մահվան ելքով: Կորոնավիրուսային հիվանդությամբ այս պահին փաստացի բուժում է ստանում 13 101 պացիենտ: Ընդհանուր առմամբ կատարվել է 593 903 թեստավորում:
Ըստ Worldometer առցանց թարմացվող կայքի տվյալների՝ կորոնավիրուսի ցուցանիշներով աշխարհի երկրների շարքում Հայաստանը զբաղեցնում է 55-րդ տեղը՝ 158 878 դեպքով։ Վրաստանը գտնվում է 43-րդ տեղում՝ 225 893 դեպքով, Ադրբեջանը 44-րդ տեղում է՝ 217 636 դեպքով, Թուրքիան 7-րդ տեղում է՝ 2 194 272 դեպքով, Իրանը 15-րդ տեղում է՝ 1 218 753 դեպքով։
