Փոխել ձերբակալման պրակտիկան. «Իմ քայլի» առաջարկն անհանգստացրել է փաստաբաններին

ԱԺ «Իմ քայլը» խմբակցության երեք պատգամավորներ առաջարկում են փոխել ձերբակալման վերաբերյալ իրավական կարգավորումները։ Նրանք կարծում են, որ Հայաստանում վերջին ժամանակահատվածում դատարանները գրեթե բոլոր գործերով ձերբակալման արձանագրությունները ճանաչում են ոչ օրինական եւ ազատ են արձակում կասկածյալներին։ Փաստաբանների համոզմամբ՝ այդ փոփոխությունների արդյունքում անձին ձերբակալված պահելու ժամկետը երեքի փոխարեն կդառնա վեց ժամ, իսկ իրենք կզրկվեն դատական կարգով այդ որոշումները բողոքարկելու հնարավորությունից։