«iԴիտորդ» ծրագրի համակարգող Մարինե Մանուչարյանը և ՄԻԺԻ նախագահ Արփինե Գալֆայանը խոսում են Մաշտոցի պուրակի շարժման, ինչպես նաև «iԴիտորդ» ծրագրի մասին, որն իրականացվում է «Թրանսփարենսի Ինթերնեյշնլ» հակակոռուպցիոն կենտրոնի և «Լրատվամիջոցների բազմազանության ինստիտուտ» ՀԿ համատեղ ջանքերով:
Փոխվարչապետի պաշտոնակատար Տիգրան Ավինյանը գրառում է արել ընտրությունների արդյունքների մասին՝ շեշտելով հանրային համերաշխության վերականգնման կարևորությունը։ «Սիրելի՛ հայրենակիցներ, 2018թ. հեղափոխությամբ իշխանությունը վերադարձվեց ժողովրդին, և դրանից հետո մենք միշտ խոստացել ենք, որ թույլ չենք տալու ժողովրդին օտարել ընտրության իրավունքից: Կիրակի օրը կայացած ազատ, արդար և թափանցիկ ընտրություններով Հայաստանը հերթական խոշոր քայլը կատարեց դեպի ժողովրդավարություն՝ արտահայտելով իր վճռական կամքն առ այն, որ մեր երկրում իշխանությունը պատկանում է ժողովուրդին և դա այլևս անշրջելի իրողություն է: Ժողովրդի ազատ կամարտահայտությամբ տեղի ունեցած ընտրությունները խորհրդանշում են ժողովրդավարության փայլուն հաղթանակը և մարմնավորում են 2018թ. հեղափոխության գործնական հաջողությունը: Այս ընտրությունները միաժամանակ պետք է վերածվեն հանրային համերաշխության, որի վրա էլ […]
Խորհրդարանական արտահերթ ընտրությունների նախնական արդյունքներով՝ «Քաղաքացիական պայմանագիրը» խորհրդարանում կունենա մեծամասնություն։ ՔՊ-ի թեկնածուն՝ Նիկոլ Փաշինյանը, կդառնա վարչապետ ու կձևավորի կառավարություն։ Բացի «Քաղաքացիական պայմանագրից»՝ խորհրդարան կմտնեն «Հայաստան» և «Պատիվ ունեմ» դաշինքները։
Վրաստանի վարչապետ Իրակլի Ղարիբաշվիլին շնորհավորել է վարչապետ Նիկոլ Փաշինյանին և «Քաղաքացիական պայմանագիր» կուսակցությունը արտահերթ ընտրություններում հաղթանակի առթիվ։ «Շնորհավորում եմ Նիկոլ Փաշինյանին հաջող ընտրություններ անցկացնելու և նախնական արդյունքների համաձայն՝ «Քաղաքացիական պայմանագիր» կուսակցության հաղթանակի կապակցությամբ։ Հաջողություն եմ մաղթում առաջիկայում, ակնկալում եմ սերտ համագործակցություն Հայաստանի նոր կառավարության հետ», – գրել է Ղարիբաշվիլին։ Վրաստանի արտաքին գործերի նախարար Դավիդ Զալկալիանին էլ հայտարարել է, որ Թբիլիսին պատրաստ է եռակողմ՝ Հայաստան-Ադրբեջան-Վրաստան ձևաչափով աշխատանքին՝ տարածաշրջանային կարևոր նախագծերի իրականացման համար։ Զալկալիանին այս հայտարարությունն արել է Թուրքիայում դիվանագիտական համաժողովի ժամանակ։ «Այսօր մեր առաջ շատ հնարավորություններ կան․ մեր տարածքով անցնում են նավթային և գազատար խողովակներ»,- ասել է Զալկալիանին։ Նա շեշտել է, […]
«Հայաստան» դաշինքը հայտարարություն է տարածել՝ նշելով, որ ընտրությունների արդյունքները խիստ վիճահարույց են և վստահություն չեն ներշնչում: Դաշինքը հայտարարում է, որ օգտագործելու է ընտրության արդյունքները վիճարկելու ողջ գործիքակազմը՝ այդ թվում դիմելու է Սահնամադրական դատարան: Հայտարարությունն ամբողջությամբ ներկայացնում ենք ստորև․ ««Հայաստան» դաշինքն իր երախտագիտությունն է հայտնում 2021թ. հունիսի 20-ի ՀՀ Աժ ընտրություններում դաշինքին աջակցած և իր օգտին քվեարկած Հայաստանի Հանրապետության քաղաքացիներին: Այն վստահություն է ներշնչում, որ երկրի մասին մտահոգ մեր հարյուր հազարավոր քաղաքացիներ ոչ միայն տեսան հայ ժողովրդի առջև ծառացած գոյութենական սպառնալիքները, այլ նաև իրենց հավանությունը տվեցին «Հայաստան» դաշինքի կողմից առաջարկած լուծումներին: «Հայաստան» դաշինքը վերահաստատում է իր մոտեցումը, որ խորհրդարանական ընտրությունների արդյունքները […]
Արտահերթ խորհրդարանական ընտրություններն ավարտվեցին։ Նախնական արդյունքներով խորհրդարանում մեծամասնություն կկազմի Նիկոլ Փաշինյանի ղեկավարած «Քաղաքացիական պայմանագիր» կուսակցությունը։ ՍիվիլՆեթը զրուցել է երևանցիների հետ՝ նրանց տրամադրությունների ու ընտրությունների արդյունքների մասին։
Կրեմլը տեսնում է Փաշինյանի կուսակցության վստահ հաղթանակը ընտրություններում և շնորհավորում է հայ ժողովրդին ընտրության կապակցությամբ։ Այս մասին ասել է Ռուսաստանի նախագահի մամուլի քարտուղար Դմիտրի Պեսկովը, փոխանցում է ՏԱՍՍ-ը։ Պեսկովը հայտարարել է նաև, որ Կրեմլը հետևում է Հայաստանում ընտրությունների հետ կապված իրավիճակին։ Հունիսի 20-ին Հայաստանում անցկացվեցին արտահերթ խորհրդարանական ընտրություններ, որի արդյունքներով «Քաղացիական պայմանագիր» կուսակցություն ստացավ 687 251 ձայն (53,92%)։ Նորընտիր խորհրդարանում «Քաղաքացիական պայմանագիր» կուսակցությունը կունենա սահմանադրական մեծամասնություն և կձևավորի կառավարություն։ Երկրորդ քաղաքական ուժը խորհրդարանում կլինի «Հայաստան» դաշինքը (21,04%), երրորդը՝ «Պատիվ ունեմ» դաշինքը (5,23%)։
ՍիվիլՆեթն արդեն ներկայացրել է Հանրապետության մասշտաբով արտահերթ խորհրդարանական ընտրությունների արդյունքները, որի համաձայն՝ 8-րդ գումարման Ազգային ժողովը կազմված կլինի 3 քաղաքական ուժերից․ «Քաղացիական պայմանագիր» կուսակցություն ստացել է 687 251 ձայն (53,92%) և կունենա սահմանադրական մեծամասնություն, «Հայաստան» դաշինքը հավաքել է 268 165 ձայն (21,04%), «Պատիվ ունեմ» դաշինքը ստացել է 66 633 քվե (5,23%)։ Այժմ ներկայացնում ենք 10 ամենից շատ ձայներ հավաքած քաղաքական ուժերի արդյունքները՝ ըստ Երևան քաղաքի և մարզերի։ «Քաղաքացիական պայմանագիրը» ամենաքիչ տոկոսով ձայները հավաքել է մայրաքաղաքում՝ 41% կամ 180 159 քվե։ «Հայաստան» դաշինքը Երևանում ստացել է 27,97% կամ 122 912 ձայն։ Ի տարբերություն մարզերում ընտրությունների արդյունքների, հիմնական ֆավորիտ համարվող երկու ուժերի ձայների միջև ամենաքիչ տարբերությունը Երևանում […]
