21-ամյա Գալուստ Նազարյանը բանակ է զորակոչվել համալսարանն ավարտելուց հետո։ Արցախյան պատերազմի սկզբին դեռ նորակոչիկ էր, ծառայում էր Մարտունիում։ «Այդպես էլ հավերժ զինվոր մնաց»,- ասում են հարազատները ու ավելացնում, որ ապրում են՝ իրականացնելու Գալուստի նվիրական երազանքները։
-
Ամենահարուստ 11 պատգամավորացուները. 2021-ին՝ ավելի շատ միլիարդատեր
Պատգամավորի՝ միլիոնատեր և միլիարդատեր թեկնածուները այժմ թեժ ընտրապայքարի մեջ են՝ հայտնվելու խորհրդարանում, որտեղ ստանալու են իրենց եկամուտներից տասնյակ կամ հարյուրավոր անգամ նվազ աշխատավարձ։ Հետպատերազմյան Հայաստանի խորհրդարան է հավակնում մտնել ավելի քան 2 500 թեկնածու։ ՍիվիլՆեթն առանձնացրել է նրանցից 11-ին։ Ի դեպ, եթե 2018-ի խորհրդարանական ընտրություններին մասնակցում էր միայն դրամային մեկ միլիարդատեր՝ Գագիկ Ծառուկյանը, ապա առաջիկա ընտրությունների թեկնածուներից միլիարդատերերը 7-ն են։ Մենք հարուստների արտարժույթով լրացված գումարը վերածել ենք դրամի և գումարել։
-
Ընտրություններ և ընթացակարգ․ Էրիկ Հակոբյանի անդրադարձը
Այս շաբաթ կանդրադառնանք երկու կոնկրետ թեմաների, առաջինը՝ ընտրությունների անցկացումն ու հետընտրական շրջանը կանոնակարգող կանոնների և այն մասին, թե ինչպես են ձևավորվում, կամ չեն ձևավորվում, կառավարությունները, մասնավորապես այս կիրակի սպասվող ընտրություններից հետո։ Երկրորդ՝ քննարկելու ենք այս շաբաթ Էրդողանի ու Ալիևի՝ Ադրբեջանի կողմից օկուպացված Շուշի այցը։ Ընտրությունների մասին Խոսենք խորհրդարանական համակարգի մասին։ Նրանց համար, ովքեր ծանոթ չեն խորհրդարանական համակարգերին, ասեմ՝ դրանք նախագահականից տարբեր են նրանով, թե ինչպես են խորհրդարանում հատկացվում տեղերը, և ինչպես է իշխանությունը ձևավորվում։ Այս շաբաթվա ընտրություններն ունեն երեք հնարավոր ելք։ Առաջին՝ մեկ կուսակցություն կարողանում է ձեռք բերել խորհրդարանում տեղերի 54 տոկոսը և ինքնուրույն կառավարություն կազմել։ Երկրորդ՝ կազմվում է կոալիցիոն […]
-
Ատելության մթնոլորտ և Արցախ․ Բանավիճում են «Հայ ազգային կոնգրեսն» ու
Նախընտրական փուլում ատելության մթնոլորտի և Արցախի հարցի շուրջ ՍիվիլՆեթի տաղավարում բանավիճում են «Հայ ազգային կոնգրեսի» պատգամավորի թեկնածու Տաթևիկ Զորյանը և «Քաղաքացու որոշում» կուսակցության պատգամավորի թեկնածու Աստղիկ Մելքոնյանը։
-
Հինգ քաղաքական ուժերի թեկնածուները՝ ըստ մարզերի
Խորհրդարանական արտահերթ ընտրություններին մասնակցող քաղաքական ուժերի ընտրացուցակներում թեկնածուները հիմնականում Երևանից են։ Կենտրոնական ընտրական հանձնաժողովի հրապարակած ցուցակներում ՍիվիլՆեթը ուսումնասիրել է, թե հինգ քաղաքական ուժերի թեկնածուները հիմնականում որ մարզերից են առաջադրված։ Այս աղյուսակում առանձնացված են ուժերի թեկնածուները՝ ըստ մարզերի։ Շիրակից և Արարատից ամենաշատ առաջադրվածները «Պատիվ ունեմ» դաշինքից են։ Կոտայքի մարզից ամենաշատ թեկնածուներ ունի Հայ ազգային կոնգրեսը։ Սյունիքից ամենաշատ առաջադրվածները «Հայաստան» դաշինքից են, ամենաքիչը՝ ՀԱԿ-ից։ Քարտեզում կարող եք տեսնել, թե ինչպիսին է առանձնացված հինգ ուժերի թեկնածուների բաշխվածությունը՝ ըստ մարզերի։ Ամենաքիչ ներկայացվածությունն ունեն Տավուշը և Վայոց ձորը։ Ժաննա Ավագյան
-
«Քաղաքական վիագրա» և «չորս մարդկանց ռազբորկա»․ քարոզարշավի վերջին օրը
Հունիսի 20-ի արտահերթ խորհրդարանական ընտրություններին մնացել է երկու օր։ Քարոզարշավի մեկնարկից ի վեր ընտրապայքարին մասնակցող քաղաքական ուժերը շրջել են Հայաստանի մարզերով ու քաղաքներով, հանդիպել քաղաքացիներին, խոտումներ տվել, վստահեցրել, որ իրենք են երկիրը դժվար վիճակից հանողները։ Հունիսի 18-ին քարոզարշավի 12-րդ՝ վերջին օրն է։ Հունիսի 19-ին Հայաստանի Հանրապետությունում լռության օր է։
