Փաշինյանն ու Պուտինը հեռախոսով քննարկել են գերիների վերադարձը

Վարչապետ Նիկոլ Փաշինյանը հեռախոսազրույց է ունեցել Ռուսաստանի Դաշնության նախագահ Վլադիմիր Պուտինի հետ:

Ըստ վարչապետի գրասենյակի հաղորդագրության՝ կողմերը քննարկել են 2020 թվականի նոյեմբերի 9-ի համատեղ հայտարարության կետերի իրականացման ընթացքը: Մասնավորապես, ընդգծվել է ռազմագերիների, պատանդների և պահվող այլ անձանց շուտափույթ վերադարձի կարևորությունը:

Հայկական կողմը մտահոգություն է հայտնել, որ Ադրբեջանը լիարժեք չի կատարում համատեղ հայտարարության տվյալ կետի պահանջները:

Քննարկվել են նաև Հայաստանի և Ռուսաստանի միջև երկկողմ համագործակցության օրակարգի հարցերը և դաշնակցային փոխգործակցության հետագա զարգացման ուղիները:

Այսօր՝ փետրվարի 17-ին, ՀՀ ԱԳՆ ղեկավար Արա Այվազյանը աշխատանքային այցով մեկնել է Ռուսաստան։ Նախատեսված է նրա հանդիպումը ՌԴ պաշտոնակից Սերգեյ Լավրովի հետ։