-
Ընտրություններ Իրանում․ ովքեր են պայքարում նախագահի պաշտոնի համար
Այսօր՝ հունիսի 18-ին, Իրանում անցկացվում են 13-րդ նախագահական ընտրությունները: Պայքարն ընթանում է պահպանողականների և բարեփոխականների միջև: Գործող նախագահ Հասան Ռուհանիի կառավարման երկրորդ ժամկետը լրացել է, հետևաբար նա չի առաջադրվել: Հունիսի 18-ի ընտրություններին մասնակցում է նախագահի չորս թեկնածու՝ Սեյեդ Էբրահիմ Ռաիսին, Ամիրhոսեյն Ղազիզադե Հաշեմին, Մոհսեն Ռեզաին և Աբդոլնասեր Հեմաթին: Բացի վերջինից՝ Իրանի Կենտրոնական բանկի նախագահից, բոլորը ներկայացնում են պահպանողական թևը: Ըստ պաշտոնական տեղեկությունների, նախագահական ընտրություններին մասնակցության իրավունք ունի շուրջ 59 միլիոն 310 հազար քաղաքացի: Արդեն առավոտյան երկրի հանրությանը դիմել են Հասան Ռուհանին, նախագահի աշխատակազմի ղեկավար Մահմուդ Վաեզին և այլ բարձրաստիճան պաշտոնյաներ, որոնք միաձայն կոչ են արել ակտիվ մասնակցություն ունենալ ընտրություններին: Ռուհանին […]
-
Ատելության խոսքով լի քարոզարշավ, զոհվածների դիերի նույնականացում և պատվաստումներ․ զրույց
Առողջապահության նախարարի պաշտոնակատար, «Քաղաքացիական պայմանագիր» կուսակցության նախընտրական ցուցակի 15-րդ համար Անահիտ Ավանեսյանը ՍիվիլՆեթի Ստելլա Մեհրաբեկյանի հետ զրույցում անդրադառնում է ատելության խոսքով լի քարոզարշավին, որից անմասն չի մնացել նաև իշխող թիմը։ Նա մեկնաբանում է պատերազմում զոհվածների դիերի ու մասունքների ոչ պատշաճ պայմաններում պահման միջադեպն ու նշանակված ծառայողական քննությունը, խոսում դիերի նույնականացման գործընթացի մասին։ Զրույցում անդրադարձ կա նաև պատվաստումներին, որոնց մասնակցում են մեծ թվով զբոսաշրջիկներ։
-
Հայաստանի գլխավոր շտաբը դատապարտում է զինծառայողներին քաղաքական գործընթացներում ներգրավելու փորձերը
Հայաստանի զինված ուժերի գլխավոր շտաբը դատապարտում է զինծառայողներին քաղաքական գործընթացներում ներգրավելու փորձերը։ «Արմենպրես»-ի հետ զրույցում այս մասին ասել է զինված ուժերի գլխավոր շտաբի վարչակազմակերպչական վարչության տեղեկատվության բաժնի պետ, գնդապետ Սամվել Ասատրյանը՝ անդրադառնալով սոցիալական ցանցերով տարածվող այն տեսանյութին, որում N զորամասի զինծառայողները հայտարարում են, որ սատարում են «Հայաստան» դաշինքին։ «Զինվորը ցանկացած պարագայում պարտավոր է կատարել վերադասի հրամանը, և այս պարագայում, մեր կարծիքով, պարզապես կատարվել է հրաման՝ անկախ այն հանգամանքից, թե արդյոք տեսանյութում հնչած միտքը արտացոլում է նրանց ցանկությունը, թե ոչ։ Զինծառայողներին քաղաքական գործընթացների մեջ ներքաշելը դատապարտելի է, և մեղավորները կպատժվեն օրենքով սահմանված կարգով․ մանրամասները կպարզվեն ծառայողական քննության արդյունքում»,- նշել է Սամվել […]
-
Արցախի պաշտպանության բանակում նկատվում են նախընտրական քարոզչության դեպքեր․ ՊԲ
Արցախի պաշտպանության բանակը հայտարարություն է տարածել՝ նշելով, որ Հայաստանում կայանալիք արտահերթ ընտրություններին ընդառաջ ՊԲ-ում նկատվում են նախընտրական քարոզչության դեպքեր։ Արցախի պաշտպանական գերատեսչությունը դատապարտում է բոլոր նման միտումները և նշում է, որ մեղավորները կրելու են օրենքով սահմանված պատասխանատվություն։ Հայտարարությունն ամբողջությամբ ներկայացնում ենք ստորև․ «Հունիսի 20-ին Հայաստանի Հանրապետությունում կայանալիք արտահերթ խորհրդարանական ընտրություններին ընդառաջ, Արցախի պաշտպանության բանակում նկատվում են նախընտրական քաղաքական քարոզչության դեպքեր, ինչը բացարձակ անընդունելի է՝ հաշվի առնելով պարզ իրողությունը, որ զինված ուժերը դուրս է քաղաքականությունից: Արձանագրված դեպքերով արդեն իսկ նշանակվել է ծառայողական քննություն, մեղավորները կրելու են օրենքով սահմանված պատասխանատվություն: Խստորեն դատապարտում ենք բոլոր նման միտումները, քաղաքական ուժերին համոզիչ կերպով կոչ անում […]
-
Իջևանը՝ «Քաղաքացիական պայմանագրի» և «Հայաստան» դաշինքի արանքում
Իջևանում մարդիկ ակնկալում են բոլոր քաղաքական ուժերից, որ արտահերթ խորհրդարանական ընտրություններից հետո որևէ մեկը ներքաղաքական իրավիճակը չի լարի։ Ուշագրավ է, որ այստեղ «Քաղաքացիական պայմանագիր» կուսակցության և «Հայաստան» դաշինքի համակիրները ազատորեն արտահայտում էին իրենց կարծիքը։ Ընդ որում՝ ՍիվիլՆեթը մարդկանց չի հարցրել, թե որ ուժի օգտին են քվեարկելու։
-
Պեսկովն ու Լավրովն ադրադարձել են Ադրբեջանում թուրքական ռազմաբազայի ստեղծման հնարավորությանը
Ռուսաստանի սահմանների մոտ ՆԱՏՕ-ի երկրների ռազմական օբյեկտների տեղակայումը հատուկ ուշադրության առիթ է և անվտանգության միջոցառումների ձեռնարկման պատճառ: Ինչպես հաղորդում է «ՌԻԱ Նովոստին», այս մասին հայտարարել է Ռուսաստանի նախագահի մամուլի քարտուղար Դմիտրի Պեսկովը՝ մեկնաբանելով Ադրբեջանում թուրքական ռազմաբազայի ստեղծման հնարավորության մասին Անկարայի հայտարարությունը: «Մեր սահմանների մոտ Դաշինքի անդամ երկրների ռազմական ենթակառուցվածքի ծավալումը հատուկ ուշադրության առիթ է, ինչպես նաև մեր անվտանգության և մեր շահերի ապահովման համար անհրաժեշտ քայլերի ձեռնարկման պատճառ»,- լրագրողներին ասել է Պեսկովը: Նրա խոսքով՝ դա Ռուսաստանի ուշադրության հարցն է․ «Մենք համագործակցում ենք Թուրքիայի հետ Անդրկովկասում իրավիճակի կայունացման գործում։ Մենք սերտ կապի մեջ ենք և Անկարայի, և Բաքվի, և Երևանի հետ: Կարծում […]
-
Պետք է աջակցենք Ռոբերտ Քոչարյանին. Օնիկ Գասպարյան
Հայաստանի զինված ուժերի գլխավոր շտաբի նախկին պետ, գեներալ-գնդապետ Օնիկ Գասպարյանն արտահերթ ընտրություններին ընդառաջ հանդես է եկել ուղերձով։ «Այս ծանր ճգնաժամից Հայաստանը և Արցախը կարող են դուրս գալ ազգանվեր պաշտոնյաներով համալրված կառավարության աշխատանքի շնորհիվ»,- ասվում է նրա ուղերձում։ Գասպարյանը կոչ է անում աջակցել երկրորդ նախագահ Ռոբերտ Քոչարյանին։ ԳՇ նախկին պետի ուղերձն ամբողջությամբ ներկայացնում ենք ստորև․ «Հարգելի հայրենակիցներ, իմ զինակից ընկերներ՝ իշխանությունը ցանկացած գնով պահպանելու մոլուցքը ստիպում է գործող վարչախմբին դիմել ամենակեղտոտ եւ անբարոյական քայլերի՝ վարկաբեկելով իրենց ապազգային գործունեությանը ընդդիմացող մարդկանց։ Ինձ մոտ այնպիսի տպավորություն է ձեւավորվում, որ պատերազմի ժամանակ վարչապետի դերը կատարող անձը եւ իր թիմակիցները ՀՀ կառավարությունում դիտորդի կարգավիճակ են […]
