Թուրքիան արտաքին քաղաքականությունում միայնակ է, ներքաղաքական կյանքում՝ խնդիրներով լեցուն․ Աքթար

Թուրքիան պատրաստ չէ հարաբերություններ հաստատել Հայաստանի հետ, և դրա մասին խոսելը դեռ վաղ է, քանի որ իշխող օղակներում Հայաստանի, հայության և ընդհանրապես քրիստոնեության նկատմամբ կա ոչ դրական վերաբերմունք. ՍիվիլՆեթի Գեորգի Միրզաբեկյանի հետ զրույցում նման կարծիք է հայտնել թուրք քաղաքագետ Ջենգիզ Աքթարը: Նա նկատում է, որ Թուրքիան, բազմաթիվ երկրների հետ ունենալով խնդիրներ, կանգնած է լուրջ մարտահրավերների առաջ նաև երկրի ներսում․ բոլոր ոլորտներում կարմիր լույս է վառվում, կա գործազրկության և սովի լուրջ խնդիր։