NBG-ում վնասները պայմանավորում են ֆինանսական արժեզրկված ածանցյալ գործիքներով։ Բանկի հունական ստորաբաժանման վնասները կազմել են €656 մլն, արևելաեվրոպական բիզնեսինը՝ €7 մլն, իսկ թուրքական ստորաբաժանումը վաստակել է €125 մլն։ Անցած տարվա միևնույն ժամանակահատվածում NBG-ն վաստակել է €157 մլն։
Հունական բանկերը հարկադրված են մեծացնել պահուստների իրենց մակարդակը։ Բազմաթիվ փոխառուներ, մնալով առանց եկամուտի աղբյուրի, դադարել են վճարել վարկերի դիմաց։
Իրավիճակի վատթարացումը հանգեցրել է նրան, որ անցած տարվա վերջին չաշխատող վարկերը կազմել են ընդհանուր փոխառությունների 16%-ը։ 2010թ. վերջին այս ցուցանիշը կազմել է 10,5%։
Նշենք, որ Հունաստանի խոշորագույն բանկերը՝ NBG-ն, Piraeus-ը, Alpha Bank-ը և Eurobank-ը, զգալի վնասներ են կրել պետպարտքի դուրսգրման պատճառով։ Ներկայում այս չորս բանկերը Ֆինանսական կայունության եվրոպական հիմնադրամից ֆինանսական օգնություն են ստանում։ Մայիսի 28-ին այս բանկերը ստացել են առաջին տրանշը՝ €18 մլրդ։
