Մարտի 11-ին տեղի է ունեցել «Գիտուժ» նախաձեռնության անդամների հանդիպումը Կառավարության ներկայացուցիչների հետ, որոնց թվում էին փոխվարչապետ Տիգրան Ավինյանը, ԿԳՄՍ նախարար Վահրամ Դումանյանը, Բարձր տեխնոլոգիական արդյունաբերության փոխնախարար Գոռ Մելիքյանը։
Քննարկվել են գիտության ոլորտում առկա խնդիրներն ու լուծման հնարավոր տարբերակները։ Հանդիպման արդյունքների մասին ՍիվիլՆեթը զրուցել է Ռոբոմարդ ընկերության համահիմնադիր Տիգրան Շահվերդյանի և «Այբ» հիմնադրամի հոգաբարձուների խորհրդի նախագահ Արամ Փախչանյանի հետ։
