«Կա հայրենիք, կա պարտք»․ Նարեկ Գասպարյանի պատմությունը

Ապրիլյան պատերազմի մասնակից Նարեկ Գասպարյանը զոհվել է Մատաղիսում՝ զորացրվելուց 6 օր առաջ։ Հարազատները հիշում են՝ Նարեկը ծառայության է մեկնել ոգևորված, ուներ բազում նպատակներ, որոնք մտադիր էր իրագործել վերադառնալուց հետո, իսկ ծառայության ընթացքում «սիրտը դիրքերում էր»։ «Քանի դեռ ես նրան ապրեցնում եմ, Նարեկը ապրում է և մեզ հետ է»,- ասում է Նարեկի եղբայր Նվերը և ավելացնում՝ նրանք կյանքը տվել են մեզ համար, ուրեմն մենք պարտավոր ենք շարունակել ապրել։