«Դուք ձեզ կողքից տեսե՞լ եք, կուզենա՞ք ձեզ դատի ձեզ նման դատավորը». պաշտպանը՝ դատավոր Դանիբեկյանին

Երևանի ընդհանուր իրավասության դատարանի Շենգավիթի նստավայրում մարտի 30-ին տեղի ունեցավ Ռոբերտ Քոչարյանի և մյուսների գործով դատական նիստը։

Հաշվի առնելով, որ մեղադրող դատախազներից ոչ ոք չէր ներկայացել, դատարանը նիստը հետաձգեց մինչև ապրիլի 2-ը՝ ժամը 13։00-ն։ Յուրի Խաչատուրովի պաշտպան Միհրան Պողոսյանը, խոսելով դատախազների բացակայության մասին, հունից դուրս եկավ։