ՍիվիլՆեթն ամփոփում է ապրիլի 13-ի հիմնական իրադարձությունները․
Հայաստանի և Ադրբեջանի սահմանազատման հանձնաժողովների համատեղ գործունեության կանոնակարգն ուղարկվել է Ազգային ժողով` վավերացնելու համար։ Այն դեռևս օրակարգ չընդգրկված նախագծերի շարքում է: Նախագծի հիմնական զեկուցողը Մհեր Գրիգորյանն է: Կանոնակարգը սկզբում կքննարկվի ԱԺ արտաքին հարաբերությունների մշտական հանձնաժողովում, որտեղ դրական եզրակացություն ստանալու դեպքում կներկայացվի խորհրդարանի վավերացմանը։ Հայաստանի և Ադրբեջանի սահմանազատման հանձնաժողովների համատեղ գործունեության կանոնակարգը ստորագրվել էր 2024-ի օգոստոսի 30-ին: Սեպտեմբերի 5-ին կառավարությունը քննարկել և հաստատել էր կանոնակարգը՝ այն ուղարկելով Սահմանադրական դատարան։ ՍԴ-ն սեպտեմբերի 26-ին կանոնակարգը Սահմանադրությանը համապատասխանող էր ճանաչել:
Հայաստանը հույս ունի, որ առաջիկա մեկ ամսվա ընթացքում կստորագրվեն Ադրբեջանի հետ խաղաղության պայմանագրի համաձայնեցված դրույթները։ Այս մասին Reuters-ին ասել է Հայաստանի նախագահ Վահագն Խաչատուրյանը: Նախագահը հույս է հայտնել, որ խաղաղության պայմանագրի 16 հոդվածները կստորագրվեն մինչև նոյեմբերի 11-22-ը Բաքվում կայանալիք Կլիմայի փոփոխության COP29 գագաթնաժողովը։ «Եթե միայն մեզնից կախված լիներ, մենք կստորագրեինք հենց հիմա, այսօր»,- ասել է Խաչատուրյանը։ Հայաստանի կառավարաթյան պնդմամբ՝ խաղաղության պայմանագրի նախագծի 16 հոդվածից 13-ն ամբողջությամբ համաձայնեցված են, 3-ը՝ մասնակի։ Բաքուն մի քանի անգամ մերժել է արդեն համաձայնեցված հոդվածներով պայմանագիրը ստորագրելու Երևանի առաջարկը։ Ադրբեջանական կողմը նշում է, թե Հայաստանը պետք է փոխի իր Սահմանադրությունը, որում, ըստ իրենց՝ տարածքային պահանջներ կան […]
OC Media «Վրացական երազանք» կուսակցությունը հայտարարել է, որ նախագահ Սալոմե Զուրաբիշվիլիին իմփիչմենթ ներկայացնելու նոր գործընթաց է սկսելու։ Կուսակցությունը որպես պատճառ մատնացույց է անում այն, որ նախագահն առանց կառավարության թույլտվության պաշտոնական այցեր է կատարել արտերկիր։ Երկուշաբթի լրագրողների հետ ճեպազրույցի ժամանակ Վրաստանի խորհրդարանի նախագահ Շալվա Պապուաշվիլին հայտարարել է, որ կուսակցությունը Սահմանադրական դատարան կդիմի մինչև հոկտեմբերի 26-ին կայանալիք խորհրդարանական ընտրությունները: Եթե դատարանը որոշում կայացնի Զուրաբիշվիլիի դեմ, ապա իմփիչմենթի համար դեռ կպահանջվի 150 պատգամավորներից 100-ի հավանությունը։ «Վրացական երազանքն» այս պահին ունի միայն 83-ի աջակցությունը։ Իմփիչմենթի այս երկրորդ փորձը տեղի է ունենում մեկ տարի անց բանից հետո, երբ իշխող կուսակցության՝ նախագահին իմփիչմենթ ներկայացնելու նախորդ փորձը […]
Ռուսաստանի նախագահ Վլադիմիր Պուտինը վաղը` հոկտեմբերի 8-ին, ԱՊՀ պետությունների ղեկավարների խորհրդի նիստից առաջ երկկողմ հանդիպումներ կանցկացնի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ։ Այդ մասին հայտնել է ՌԴ նախագահի օգնական Յուրի Ուշակովը, փոխանցում է «Սպուտնիկ Արմենիան»։ ՀՀ վարչապետի աշխատակազմից հայտնել են, որ Նիկոլ Փաշինյանն հոկտեմբերի 7-8-ին աշխատանքային այցով մեկնել է Մոսկվա՝ մասնակցելու ԱՊՀ պետությունների ղեկավարների խորհրդի հերթական նիստին: Ռուսաստանի նախագահի մամուլի քարտուղար Դմիտրի Պեսկովն ավելի վաղ հայտարարել էր, որ հոկտեմբերի 7-ին՝ Վլադիմիր Պուտինի ծննդյան օրը, Մոսկվայում ԱՊՀ անդամ պետությունների ղեկավարների խորհրդի նիստ կկայանա։ «Դա լիարժեք ձևաչափի հանդիպում է լինելու, որը բավական հագեցած օրակարգ կունենա»,- ասել է Պեսկովը։ Փաշինյանը […]
Անի Գրիգորյան, #CivilNetCheck Բազմահազար հետևորդներ ունեցող ֆեյսբուքյան էջեր տարածում են այրվող «Դոմուս» հիպերմարկետի լուսանկարները՝ «Հրդեհը չի հաջողվում մարել…զոհեր և վիրավորներն այս պահին» բովանդակությամբ կից գրառմամբ։ Հիշեցնենք, որ հոկտեմբերի 7-ին խոշոր հրդեհ էր բռնկվել Իսակովի պողոտայում գտնվող «Դոմուս» հիպերմարկետի պահեստային տարածքում: Թեև էջերը գրառման մեջ նշում են զոհերի և վիրավորների մասին, սակայն ներքին գործերի նախարարությունից հայտնել են, որ հրդեհի հետևանքով տուժածներ չկան։ Նշենք, որ էջերը գրառմանը կցել են Hraparak.am լրատվամիջոցին նմանակող Hraparaknews.am կայքի հղումը։ Այն պարբերաբար օգտագործվում է տարբեր ֆեյսբուքյան էջերի կողմից տագնապ պարունակող, շոկային, կեղծ տեղեկություններ տարածելու համար։
Հոկտեմբերի 5-ին Արենիում տոնախմբություն էր՝ գաստրոնոմիական հաճույքներ, զբոսաշրջիկներ, տեղացիներ ու շատ գինի։ Համայնքի զարգացման գլխավոր ուղղությունը գինեգործությունն է։ Փառատոնը ցույց տվեց, որ ապրուստ վաստակելուց բացի գինեգործությունը կարող է զբոսաշրջիկներ գրավելու աշխատող եղանակ լինել։
Իրանն ու Իսրայելը միմյանց սպառնում են լայնածավալ պատերազմով։ Իսրայելը խոստանում է անպատասխան չթողնել Իրանի հարվածները, իսկ իրանական կողմը նշում է, որ պատրաստ է ցանկացած սցենարի՝ մի հավելումով, որ այն կլինի ավելի ուժգին, քան հոկտեմբերի 1-ի հարվածն էր։ Credits: Ruptly
Հոդվածը գործընկերային բովանդակություն է Հոկտեմբերի 5-ին Երևանում կայացել է Ռևմատոլոգների 8-րդ ազգային գիտաժողովը, որին «Վարդանանց» բժշկական կենտրոնի նախաձեռնությամբ դասախոսել է ռևմատոլոգ, Ռևմատիզմի դեմ պայքարի ռևմատոլոգիական լիգայի նախագահ, պրոֆեսոր Քսենոֆոն Բարալիակոսը։ Բարալիակոսի թեման սպոնդիլոարթրիտն էր. նա դասախոսությամբ փորձել է իրազեկել մասնակիցներին, թե ինչպես վաղ ախտորոշել հիվանդությունն ու սկսել բուժումը։ «Սպոնդիլոարթրիտը մեջքի ցավն է, մի գանգատ, որ չափազանց տարածված է ընդհանուր բնակչության, և հատկապես երիտասարդների շրջանում… Մեր բոլոր քննարկումների առանցքային թեման այն է, թե ինչպես կրթել ընտանեկան բժիշկներին, ռադիոլոգներին, գուցե նույնիսկ օրթոպեդներին և, իհարկե, ռևմատոլոգներին հիվանդության վաղ փուլերում ճիշտ ախտորոշման ուղղությամբ: Սա չափազանց կարևոր թեմա է: Եվ ևս մեկ անգամ շնորհակալ եմ […]
