Կառավարությունը 7,5 մլրդ դրամ կտրամադրի Արցախին

Հայաստանի կառավարությունը պահուստային ֆոնդից ավելի քան 7,5 միլիարդ դրամ կհատկացնի Արցախի կառավարությանը՝ Արցախում գրանցված ու բնակվող քաղաքացիներին, նաև կենսաթոշակառուներին աջակցություն տրամադրելու համար։ Համապատասխան որոշման նախագիծն ընդգրկված է կառավարության` ապրիլի 15-ի նիստի օրակարգում։ 

Ծրագրից կկարողանան օգտվել Արցախում գրանցված ու բնակվող, նաև հաշմանդամություն ունեցող ու կենսաթոշակառու 101 442 քաղաքացիներ։ Յուրաքանչյուր քաղաքացու կհատկացվի 68 000 դրամ։