Ֆրանսիայի նախագահ Էմանուել Մակրոնը և Ռուսաստանի նախագահ Վլադիմիր Պուտինը պայմանավորվել են առաջիկա օրերին հայտարարել Լեռնային Ղարաբաղի հարցով կոնկրետ նախաձեռնությունների մասին։ Այս մասին գրում է ՌԻԱ Նովոստին՝ հղում անելով Figaro-ն:
Ապրիլի 26-ի երեկոյան հայտնի դարձավ, որ Ռուսաստանի և Ֆրանսիայի ղեկավարները հեռախոսազրույց են ունեցել։
Խոսելով Լեռնային Ղարաբաղում տիրող իրավիճակի մասին՝ Մակրոնն ընդգծել է «բանտարկյալների հարցում կոնկրետ առաջընթացի հասնելու, մարդասիրական աջակցության և ժառանգության պահպանման անհրաժեշտությունը»:
Պարբերականի տվյալներով՝ երկու երկրների նախագահները պայմանավորվել են վերսկսել ղարաբաղյան հակամարտության կարգավորմանը հասնելու ջանքերը՝ Մինսկի խմբի շրջանակներում և առաջիկա օրերին այդ ուղղությամբ «կոնկրետ նախաձեռնություններ» ձեռնարկել։
