ՀՀ զինված ուժերը չեն մասնակցի ՆԱՏՕ-ի Defender Europe 21 զորավարժությանը․ ՊՆ

Պաշտպանության նախարարությունը հայտնում է, որ չի նախատեսում ՀՀ զինված ուժերի ստորաբաժանումների մասնակցությունը ՆԱՏՕ-ի «Defender Europe 21» զորավարժությանը:

«Չնայած ավելի վաղ արված պաշտոնական պարզաբանմանը, ի պատասխան հարցումների, որոնք շարունակում են ստացվել լրատվամիջոցներից, ևս մեկ անգամ նշում ենք, որ ՀՀ պաշտպանության նախարարությունը չի նախատեսում ՀՀ զինված ուժերի ստորաբաժանումների մասնակցությունը ՆԱՏՕ-ի Defender Europe 21 զորավարժությանը»,- ասված է ՊՆ հաղորդագրությունում։