Պաշտպանության նախարարությունը հայտնում է, որ չի նախատեսում ՀՀ զինված ուժերի ստորաբաժանումների մասնակցությունը ՆԱՏՕ-ի «Defender Europe 21» զորավարժությանը:
«Չնայած ավելի վաղ արված պաշտոնական պարզաբանմանը, ի պատասխան հարցումների, որոնք շարունակում են ստացվել լրատվամիջոցներից, ևս մեկ անգամ նշում ենք, որ ՀՀ պաշտպանության նախարարությունը չի նախատեսում ՀՀ զինված ուժերի ստորաբաժանումների մասնակցությունը ՆԱՏՕ-ի Defender Europe 21 զորավարժությանը»,- ասված է ՊՆ հաղորդագրությունում։
Տասնվեցամյա Սարգիսը Մարո Ավետիսյանի երկրորդ երեխան է: Սարգիսը քրոջ ծնվելուց տասնմեկ տարի անց է ծնվել՝ Դաունի համախտանիշով: Սիրում է նկարել, գրել, խաղում է թատրոնում, հաճախում քոլեջ և կարատեի պարապմունքների: Այցելում է նաև «Լուսէ» վերականգնողական կենտրոն: ՍիվիլՆեթը մեկ օր անցկացրել է Սարգիսի հետ, դժվարությունների ու հաջողությունների մասին զրուցել նրա և մոր՝ Մարո Ավետիսյանի հետ:
Քննչական կոմիտեն պարզել է «Կամազ»-ի վարորդի ինքնությունը, որը մայիսի 9-ին մեքենան վարել էր Հանրապետության հրապարակում «Տավուշը հանուն հայրենիքի» շարժման հանրահավաքի մասնակիցների ուղղությամբ։ Խուլիգանության մեջ մեղադրվող վարորդն Արարատի մարզի 40-ամյա բնակիչ է: Նրան մեղադրանք է ներկայացվել, որպես խափանման միջոց ընտրվել է բացակայելու արգելքը: «Վարորդը, ի սկզբանե տեղյակ լինելով Հանրապետության հրապարակում տեղի ունեցող հանրահավաքի մասին, մայիսի 9-ին՝ ժամը 21:00-ի սահմաններում, գտնվելով ոչ սթափ վիճակում, իրեն պատկանող «Կամազ» մակնիշի բեռնատար ավտոմեքենան վարել է Երևան քաղաքի Իտալիայի փողոցով դեպի Խորենացի-Վազգեն Սարգսյան փողոցների խաչմերուկի հատված, այնուհետև չենթարկվելով արգելող ճանապարհային նշանի պահանջին՝ հակառակ ուղղությունից դուրս էր եկել Վազգեն Սարգսյան փողոցի միակողմանի երթևեկելի գոտի, շրջանցել ոստիկանության ծառայողներին […]
ԵԱՀԿ-ն պատրաստ է աջակցել Հայաստանին և Ադրբեջանին՝ համապարփակ և կայուն խաղաղության համաձայնագրի կնքմանը հասնելու հարցում։ Այդ մասին մայիսի 13-ին Երևանում արտգործնախարար Արարատ Միրզոյանի հետ համատեղ ասուլիսին հայտարարեց ԵԱՀԿ գործող նախագահ, Մալթայի արտաքին ու եվրոպական հարցերի և առևտրի նախարար Իեն Բորջը։ «Հայաստանի և Ադրբեջանի միջև կայուն և համապարփակ խաղաղության ձեռքբերումը ԵԱՀԿ-ի առաջնահերթություններից է։ Երկխոսությունը, դիվանագիտությունը միակ ճանապարհն է»,- ասաց նա։ ԵԱՀԿ գործող նախագահը նկատեց, որ սահմանազատման ուղղությամբ առաջխաղացումը «արժեքավոր քայլ է» խաղաղության ճանապարհին։ «Որպես ԵԱՀԿ-ը մենք պատրաստ ենք ավելի ներգրավված լինել և աջակցել տարածաշրջանում հումանիտար խնդիրների լուծմանն ուղղված ջանքերին, մասնավորապես, տեղահանվածներին և հակամարտությունից տուժած շրջաններում ապրող անձանց»,- նշեց Իեն Բորջը։ Նա […]
Արտգործնախարար Արարատ Միրզոյանը, անդրադառնալով սահմանագծումն Ալմա-Աթայի հռչակագրի հիման վրա անելու վերաբերյալ նախկին դիվանագետների քննադատությանը, հայտարարել է․ «Այդ մարդիկ շարունակում են ականահարել ՀՀ ինքնիշխանությունը, պետականությունը, տարածքային ամբողջականությունը»։ «Ձեր նշած փորձառու դիվանագետները հավանաբար այն դասալիքներն էին, որ լքեցին իրենց պաշտոնները, իրենց բաժին հասած խրամատը այն օրերին, երբ ՀՀ սուվերեն տարածքի վրա տեղի էր ունենում ռազմական ագրեսիա։ Այս փաստի հիշատակումից հետո այդ մարդկանց և իրենց դիրքորոշումների նկատմամբ որևէ կաթիլ լրջություն չեմ կարող ունենալ։ Սա ամենամեղմ գնահատականն է, որ ես ինձ կարող եմ թույլ տալ հնչեցնել, բայց իրականությունն ավելի վատ է։ Ականահարելով Ալմա-Աթայի հռչակագիրը և դրա հիման վրա խաղաղության գործընթացը՝ այդ մարդիկ շարունակում են, […]
Վարչապետ Նիկոլ Փաշինյանի հրաժարականի պահանջով Երևանում վաղ առավոտից անհնազանդության ցույցեր են: Քաղաքացիները փակում են տարբեր փողոցներ։ 10։30-ի դրությամբ բերման ենթարկվածների թիվը հասել էր 113-ի։ «Տավուշը հանուն հայրենիքի» շարժման ղեկավար Բագրատ արքեպիսկոպոս Գալստանյանը մայիսի 12-ին Հանրապետության հրապարակում հանրահավաքին քաղաքացիներին կոչ էր արել երկուշաբթի առավոտից անհնազանդության ցույցեր սկսել։
11:10 Ոստիկանությունը հաղորդում է, որ այս պահին Երևանում փակ փողոցներ չկան: Բերման է ենթարկվել առավոտից մեկնարկած անհնազանդության ակցիաների 151 մասնակից։ 10:35 10։30-ի դրությամբ բերման ենթարկվածների թիվը հասել է 113-ի։ 10:15 Վարչապետ Նիկոլ Փաշինյանի հրաժարականի պահանջով՝ Երևանում վաղ առավոտից անհնազանդության ակցիաներ են ընթանում: Քաղաքացիները մայրաքաղաքի տարբեր հատվածներ են փակում։ ՆԳՆ ոստիկանությունը հայտնել է, որ ժամը 10-ի դրությամբ` անհնազանդության ակցիա իրականացնելու համար բերման է ենթարկվել 88 քաղաքացի։ «Տավուշը հանուն հայրենիքի» շարժման առաջնորդ Բագրատ արքեպիսկոպոս Գալստանյանը մայիսի 12-ին Հանրապետության հրապարակում հանրահավաքին քաղաքացիներին կոչ է արել առավոտյան 8-ից անհնազանդության ակցիաներ իրականացնել։ Նա շեշտել է վարչապետի պաշտոնից Նիկոլ Փաշինյանի հրաժարականի պահանջը՝ ասելով, որ ձևավորվելու է […]
Վարչապետ Նիկոլ Փաշինյանին անվստահություն հայտնելու նախագիծն Ազգային ժողովի օրակարգ մտցնելու համար «Տավուշը հանուն հայրենիքի» շարժմանը սատարող խորհրդարանական ընդդիմությանը՝ «Հայաստան» և «Պատիվ ունեմ» խմբակցություններին պակասում է մեկ ձայն։ Այդ մասին մայիսի 12-ի հանրահավաքին հայտարարեց շարժման ղեկավար Բագրատ արքեպիսկոպոս Գալստանյանը՝ հավելելով, որ այդ նպատակով նա հանդիպել է անկախ պատգամավոր Իշխան Զաքարյանին։ «Երկու անգամ հանդիպել եմ պարոն Իշխան Զաքարյանին նրա կարծիքն իմանալու համար։ Վերջինս որոշակի մտածումներով չի մերժել միանալ այս գործընթացին։ Ես ենթադրում եմ, որ ընդդիմադիր խմբակցությունները հաղթահարել են առաջին փուլը»,- նշեց Բագրատ սրբազանը՝ հավելելով, որ կարևոր է նաև մտածել հաջորդ փուլի, այն է՝ վարչապետի թեկնածուի և անվստահություն հայտնելու համար պահանջվող 18 ձայների […]
