Մայիսի 9-ին Ռոբերտ Քոչարյանը և նրա դաշինքի մաս կազմող կուսակցությունները հանրահավաք են իրականացնելու Ազատության հրապարակում։
«Հաղթանակի օրը՝ մայիսի 9-ին, ժամը 16-ին, Ազատության հրապարակում ՀՅԴ-ն, Հայաստանի երկրորդ նախագահ Ռոբերտ Քոչարյանը և «Վերածնվող Հայաստան» կուսակցությունը կհայտարարեն համագործակցության մեկնարկի մասին։ Սպասվում է Ռոբերտ Քոչարյանի ելույթը»,- ասվում է հայտարարությունում։
Մայիսի 6-ին հայտնի դարձավ, որ «Վերածնվող Հայաստան» կուսակցությունը և Հայ հեղափոխական դաշնակցությունը արտահերթ խորհրդարանական ընտրություններին կմասնակցեն դաշինքով, որը կգլխավորի Հայաստանի երկրորդ նախագահ Ռոբերտ Քոչարյանը:
