Արտահերթ ընտրությունների հետաձգում չի նախատեսվում, բայց նաև չի բացառվում

Civilnet
Article Published: 18 Մայիս, 2021 12:34
Մեկնաբանել
Billboards of 'My Step' Alliance have been placed in the streets before the Extraordinary Parliamentary Elections in Armenia

Հայ-ադրբեջանական սահմանին իրավիճակի սրման պարագայում Հայաստանում կարող են սահմանափակումներ կիրառվել, որոնք կազդեն նաև սպասվող ընտրական գործընթացների վրա, սակայն ներկայում դրա անհրաժեշտությունը չկա․ այս մասին Սիվիլնեթին և Սպուտնիկ Արմենիային տված հարցազրույցում հայտարարել է Հայաստանի Անվտանգության խորհրդի քարտուղար Արմեն Գրիգորյանը՝ անդրադառնալով հարցին, թե արդյոք սահմանային լարվածության խորացման պարագայում հնարավո՞ր է արդյոք հունիսի 20-ին սպասվող խորդհրդարանական արտահերթ ընտրությունների հետաձգում, եթե հայտարարվի ռազմական կամ արտակարգ դրություն:

ԱԽ քարտուղարի խոսքով՝ հայկական կողմը փորձում է քաղաքական- դիվանագիտական ճանապարհով լուծել հայ-ադրբեջանական սահմանին առաջացած ճգնաժամը:

«Մենք փորձում ենք այն դուրս պահել Հայաստանի ներքաղաքական գործընթացների վրա ազդեցությունից, ինչքան հնարավոր է։ Չնայած հնարավոր չէ ամբողջովին բացառել»,- ասել է նա՝ հավելելով, որ այժմ Երևանը խնդրի լուծման այլ ճանապարհով է ընթանում, և Հայաստանում այս պահին որևէ սահմանափակումներ այդ մասով չկան։

Միևնույն ժամանակ, իրավիճակի հնարավոր փոփոխությունը կարող է հանգեցնել որոշումների փոփոխության: «Եթե իրավիճակը փոխվի, բնականաբար այդպիսի որոշումներ էլ կկայացվեն։ Բայց այդպիսի որոշումներ միայն քննարկումներից հետո կկայացվեն, երբ որ անհրաժեշտությունը լինի։ Այս պահին դրա անհրաժեշտությունը չկա, դա չի քննարկվում»,- ասել է նա։

Տե՛ս նաև՝

Միջանցք չի լինելու, տարածք չի զիջվելու, ադրբեջանցիները պետք է հեռանան. Արմեն Գրիգորյան

ԱԽ քարտուղարը չի բացառում ռազմական ճանապարհով սահմանային խնդրի կարգավորումը

https://www.civilnet.am/news/607731/%d5%b4%d5%a5%d6%80-%d5%b0%d5%a1%d5%bd%d5%a1%d6%80%d5%a1%d5%af%d5%b8%d6%82%d5%a9%d5%b5%d5%a1%d5%b6-%d5%b4%d5%a5%d5%bb-%d6%83%d5%b8%d6%80%d5%b1%d5%a5%d5%ac-%d5%a5%d5%b6-%d5%bd%d5%a5%d6%80%d5%b4%d5%a1%d5%b6%d5%a5%d5%ac-%d5%b8%d6%80-%d5%a1%d5%a4%d6%80%d5%a2%d5%a5%d5%bb%d5%a1%d5%b6%d5%a8-%d5%b0%d5%a1%d5%b2%d5%a9%d5%a5%d5%ac-%d5%a7%e2%80%a4-%d5%a1%d6%80%d5%b4%d5%a5%d5%b6-%d5%a3%d6%80%d5%ab%d5%a3%d5%b8%d6%80%d5%b5%d5%a1%d5%b6/

Post navigation

Posted in:

Մեկնաբանել

Առնչվող հոդվածներ