Խորհրդարանական արտահերթ ընտրությունները տեղի են ունենալու հունիսի 20-ին։ Դրանց ընդառաջ ՍիվիլՆեթը զրուցել է քաղաքացիների հետ՝ պարզելու, թե նրանք ինչ ակնկալիքներ ունեն ընտրություններից և ինչ կառավարություն են ուզում տեսնել։
-
Էջմիածնի տոն, քայլերթ, կաթողիկոսի մտահոգություն և վարչապետի նոր գրառում
Մայր Աթոռ Սբ Էջմիածնում այսօր նշել են Սբ Էջմիածնի տոնը։ Զուգահեռ՝ հարյուրավոր մարդիկ քայլերթով Զվարթնոց տաճարից շարժվել են Էջմիածին՝ ի աջակցություն Ամենայն Հայոց կաթողիկոս Գարեգին Բ-ի և եկեղեցու։ Քայլերթն սկսվել էր Մասիսի քաղաքապետ, ՀՀԿ-ական Դավիթ Համբարձումյանի կոչով, որին հանրապետականները ներկայացրել են որպես վարչապետի թեկնածու իրենց հայտարարած՝ Նիկոլ Փաշինյանին վարչապետի պաշտոնից իմփիչմենթի ենթարկելու գործընթացում։ Քայլերթի մասնակիցների ձեռքում գործարար Սամվել Կարապետյանի լուսանկարներն էին, որը կալանավորվել է անցյալ հինգշաբթի՝ եկեղեցուն հրապարակային աջակցություն հայտնելուց հետո, երբ ասել էր «եթե չհաջողվի քաղաքական գործիչներին, ուրեմն մենք էլ մեր ձևով ենք մասնակցելու այդ ամեն ինչին»։ Կարապետյանին մեղադրանք է ներկայացվել իշխանությունը զավթելու հրապարակային կոչերի համար։ Մայր Աթոռ Սբ […]
-
Կարմիր խաչի ղեկավարը զգուշացնում է Մերձավոր Արևելքում պատերազմի անդառնալի հետևանքների
Կարմիր Խաչի միջազգային կոմիտեի (ԿԽՄԿ) նախագահ Միրյանա Շպոլյարիչը հանդես է եկել զգուշացմամբ՝ Մերձավոր Արևելքում սրվող ռազմական գործողությունների ֆոնին, ընդգծելով, որ իրավիճակը կարող է վերածվել ամբողջ տարածաշրջանն ու աշխարհը ընդգրկող պատերազմական ճգնաժամի։ «Աշխարհը չի կարող անվերջ պատերազմ կրել։ Միջազգային մարդասիրական իրավունքի պահպանումը կամքի հարց չէ, այլ պարտավորություն է։ Քաղաքացիական բնակչությունը պետք է զերծ մնա ռազմական գործողություններից, իսկ բուժանձնակազմը՝ ներառյալ Իրանի Կարմիր մահիկի և Իսրայելի Մագեն Դավիդ Ադոմի աշխատակիցները, պետք է ունենան անվտանգ պայմաններ փրկարար աշխատանք կատարելու համար»,- ասված է Շպոլյարիչի հայտարարությունում։ ԿԽՄԿ-ն հայտնում է, որ ունի ներկայություն թե՛ Իրանում, թե՛ Իսրայելում և ակտիվացնում է թիմերն ու ռեսուրսները՝ աճող մարդասիրական կարիքներին արձագանքելու […]
-
Աշխարհի ղեկավարների արձագանքը Իրանի վրա ԱՄՆ-ի հարձակմանը
ԱՄՆ զինված ուժերի կողմից կիրակի առավոտյան Իրանի երեք միջուկային օբյեկտների վրա հարձակվելուց հետո միջազգային արձագանքները տարբեր եղան։ Reuters-ը ի մի է բերել այդ արձագանքները։ Իսրայելի վարչապետ Բենիամին Նեթանյահուի նախապես ձայնագրված հայտարարությունը. «Շնորհավորում եմ նախագահ Թրամփին։ Ձեր խիզախ որոշումը՝ հարված հասցնել Իրանի միջուկային օբյեկտներին ԱՄՆ-ի ահռելի և արդար ուժով, կփոխի պատմությունը։ Պատմությունը կարձանագրի, որ նախագահ Թրամփը գործեց՝ զրկելու աշխարհի ամենավտանգավոր ռեժիմին աշխարհի ամենավտանգավոր զենքերից»։ Իրանի արտգործնախարար Աբբաս Արաղչի (X սոցիալական ցանցում). «ԱՄՆ-ը՝ ՄԱԿ-ի Անվտանգության խորհրդի մշտական անդամը, խախտել է ՄԱԿ-ի կանոնադրությունը, միջազգային իրավունքն ու Միջուկային զենքի չտարածման պայմանագիրը՝ հարվածելով Իրանի խաղաղ միջուկային օբյեկտներին։ Այսօր առավոտյան տեղի ունեցած իրադարձությունները ցնցող են և […]
-
Միջուկային աղտոտման հետքեր չեն հայտնաբերվել, հայտարարել է Իրանը
Իրանը հայտարարում է, որ ամերիկյան հարվածներից հետո միջուկային աղտտման հետքեր չեն արձանագրվել։ Իրանի Միջուկային անվտանգության ազգային կենտրոնը X-ում արված գրառմամբ նշել է, որ ԱՄՆ-ի կողմից Ֆորդոյի, Նաթանզի և Սպահանի միջուկային օբյեկտների վրա ապօրինի հարձակումներից հետո տեղում իրականացված հետազոտությունները և ճառագայթման համակարգերի տվյալները ցույց են տվել, որ․ Տե՛ս նաև՝ Թրամփը հայտարարել է, որ ԱՄՆ-ն ոչնչացրել է Իրանի հիմնական միջուկային օբյեկտները Իրանի Ատոմային Էներգիայի կազմակերպությունն արձագանքել է ԱՄՆ հարվածներին, մեղադրել նաև Մագատէ-ին Իրանն իրեն իրավունք է վերապահում «ինքնապաշտպանության բոլոր միջոցների». Արաղչի
-
Ի՞նչ զարգացումներ կհետևեն Իրանի դեմ ԱՄՆ-ի հարձակումներին. միջազգային վերլուծաբանների գնահատականը
Իրանի միջուկային օբյեկտների վրա հարվածներ հասցնելու՝ աննախադեպ որոշմամբ՝ միանալով Իսրայելի հարձակմանը իր տարածաշրջանային գլխավոր հակառակորդի դեմ, ԱՄՆ նախագահ Դոնալդ Թրամփն արեց այն, ինչից երկար ժամանակ փորձում էր խուսափել՝ ռազմական միջամտություն մեծածավալ օտար պատերազմի մեջ, գրում է Reuters-ը։ ԱՄՆ-ի հարձակումը, որը ներառել է նաև Իրանի ամենաապահով միջուկային օբյեկտներից մեկի՝ Ֆորդոուի կայանի թիրախավորումը երկրի խորքում, Թրամփի երկու նախագահական ժամկետների ընթացքում նրա ամենախոշոր արտաքին քաղաքական խաղադրույքն է՝ լեցուն ռիսկերով և անորոշություններով։ Թրամփը շաբաթ հայտարարեց, որ Իրանը պետք է այժմ ընտրի խաղաղությունը կամ պատրաստ լինի նոր հարվածների։ Փորձագետների կարծիքով՝ այս հայտարարությունը կարող է դրդել Թեհրանին փակել Հորմուզի նեղուցը՝ աշխարհի նավթի ամենակարևոր անցուղին, հարձակվել Մերձավոր […]
-
Իրանն իրեն իրավունք է վերապահում «ինքնապաշտպանության բոլոր միջոցների». Արաղչի
Իրանը, ԱՄՆ-ի կողմից իր միջուկային օբյեկտների վրա հարձակումից հետո, իրեն իրավունք է վերապահում «ինքնապաշտպանության բոլոր միջոցների», հայտարարել է Իրանի արտգործնախարար Աբբաս Արաղչին։ X-ում արած գրառմամբ Իրանի արտգործնախարարը նշել է, որ ԱՄՆ-ն, լինելով ՄԱԿ-ի Անվտանգության խորհրդի մշտական անդամ, կոպիտ կերպով խախտել է ՄԱԿ-ի կանոնադրությունը, միջազգային իրավունքն ու Միջուկային զենքի չտարածման պայմանագիրը՝ հարձակվելով Իրանի խաղաղ միջուկային օբյեկտների վրա։ «Այսօր առավոտյան տեղի ունեցած իրադարձությունները վրդովեցուցիչ են և կունենան երկարաժամկետ հետևանքներ։ ՄԱԿ-ի յուրաքանչյուր անդամ պետք է լրջորեն մտահոգված լինի այս չափազանց վտանգավոր, ապօրինի և հանցավոր վարքագծով»,– գրել է Արաղչին։ «ՄԱԿ-ի կանոնադրության և դրա ինքնապաշտպանության իրավացի արձագանք թույլատրող դրույթների համաձայն՝ Իրանն իրեն իրավունք է վերապահում […]
-
Իրանը վճռական պատասխան կտա ագրեսիային. Փեզեշքիան
Իրանի նախագահ Մասուդ Փեզեշքյանը հայտարարել է, որ իր երկիրը վճռական և կոշտ պատասխան կտա ԱՄՆ-ի աջակցությամբ գործող իսրայելական ռեժիմի ագրեսիային։ Շաբաթ ուշ երեկոյան Եգիպտոսի նախագահ Աբդել Ֆաթահ էլ-Սիսիի հետ հեռախոսազրույցի ընթացքում Իրանի նախագահն ընդգծել է, որ իր վարչակազմի արտաքին քաղաքականության առաջնահերթություններից մեկը խաղաղության հաստատումն է և տարածաշրջանային ու իսլամական երկրների հետ հարաբերությունների ընդլայնումը, հաղորդում է Mehrnews-ը (զրույցը, ըստ ամենայնի, տեղի է ունեցել նախքան ԱՄՆ-ի հարվածները Իրանի միջուկային օբյեկտներին)։ Վերադառնալով Իրանի դեմ շարունակվող իսրայելական ագրեսիային՝ նախագահը նշել է, որ եթե այս հարձակումները շարունակվեն, Իրանը վճռական հակահարված կհասցնի։ Փեզեշքյանը նաև հայտարարել է, որ իսրայելական ռեժիմը փորձում է ԱՄՆ-ին ներքաշել հակամարտության մեջ՝ շեշտելով, […]
-
Իրանի Ատոմային Էներգիայի կազմակերպությունն արձագանքել է ԱՄՆ հարվածներին, մեղադրել նաև
«Սիոնիստական թշնամու [Իսրայել] վերջին օրերի վայրագ հարձակումներից հետո, այսօր առավոտյան՝ արեգակի ծագման պահին, Իրանի Իսլամական Հանրապետության թշնամիները դաժան հարվածներ են հասցրել երկրի միջուկային օբյեկտներին Ֆորդոյում, Նաթանզում և Սպահանում։ Այս գործողությունը հակասում է միջազգային իրավունքին, հատկապես՝ Միջուկային զենքի չտարածման պայմանագրին»,- նշված է Իրանի Ատոմային Էներգիայի կազմակերպության հայտարարության մեջ, փոխանցում է Tehran Times-ը․ «Այս գործողությունը, որն անհամատեղելի է միջազգային իրավունքի նորմերի հետ, ցավոք իրականացվել է ոչ միայն միջազգային հանրության անտարբերության պայմաններում, այլև՝ Ատոմային էներգիայի միջազգային գործակալության (Մագատէ) համագործակցությամբ»,- ասված է հայտարարությունում։ Հայտարարության համաձայն՝ ամերիկյան թշնամին՝ իր երկրի նախագահի միջոցով, ստանձնել է պատասխանատվություն հիշյալ օբյեկտների դեմ իրականացված հարձակման համար, որոնք Մագատէի մշտական հսկողության […]
