«Քաղաքացիական պայմանագիր» խմբակցության պատգամավոր Հակոբ Արշակյանն ընտրվեց խորհրդարանի փոխնախագահ։ Հաշվիչ հանձնախմբի ղեկավար Նարեկ Բաբայանը հաղորդեց՝ քվեարկությանը մասնակցել է 71 պատգամավոր, բոլորն ընտրել են Հակոբ Արշակյանին։ Արշակյանը բարձր տեխնոլոգիական արդյունաբերության նախարարն էր 2019-ից մինչ 2021-ի ապրիլը, նաև «Քաղաքացիական պայմանագրի» վարչության անդամ է։ Խորհրդարանը մինչ այդ ընտրել էր մեկ այլ փոխնախագահ՝ Ռուբեն Ռուբինյանին։ «Հայաստան» և «Պատիվ ունեմ» դաշինքները չեն մասնակցել քվեարկություններին։ Խորհրդարանի երրորդ փոխնախագահի համար ընդդիմությունն առաջադրել է «Հայաստան» դաշինքի պատգամավոր Իշխան Սաղաթելյանին։
Հայաստանում օգոստոսի 3-ին կատարվել է 6 897 թեստավորում, որից հաստատվել է կորոնավիրուսի 280 նոր դեպք, այսինքն, դրական է թեստերի 4 տոկոսը։ Այս մասին տեղեկացնում է առողջապահության նախարարությունը։ Առողջացել է 149 մարդ։ Արձանագրվել է մահվան 4 դեպք: Օգոստոսի 4-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 230 993 դեպք, որոնցից 220 438-ն` առողջացած, 4 625-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 4 808 պացիենտ: Ընդհանուր առմամբ, կատարվել է 1 364 854 թեստավորում: Ըստ Worldometer առցանց թարմացվող կայքի տվյալների՝ կորոնավիրուսի ցուցանիշներով աշխարհի երկրների շարքում Հայաստանը զբաղեցնում է 80-րդ տեղը՝ 230 713 դեպքով։ Վրաստանը գտնվում է 54-րդ տեղում՝ 428 670 […]
44-օրյա պատերազմի հետևանքով զոհված ևս 35 զինծառայողների ընտանիքներ հատուցում են ստացել։ Այս մասին հայտնում է Զինծառայողների ապահովագրության hիմնադրամը։ «Հիմնադրամի շահառուների թիվը փոփոխվել է. սեպտեմբերի 27-ին թշնամու կողմից սանձազերծված պատերազմի արդյունքում զոհված ևս 35 հերոս զինծառայողների ընտանիքներ հատուցում են ստացել։ Այսպիսով Հիմնադրամի հիմնական շահառուների թիվը 4 255 է»,- ասված է հաշվետվության մեջ։ Զինծառայողների ապահովագրության հիմնադրամը ստեղծվել է հայրենիքի սահմանները պաշտպանելիս զոհված, անհետ կորած, զինհաշմանդամության 1-ին, 2-րդ կարգ ձեռք բերած մարտիկների ու նրանց ընտանիքների սոցիալական բարօրության, կայուն և հավասար ապահովագրական հատուցումներ տրամադրելու նպատակով: Հիմնադրամի միջոցները գոյանում են Հայաստանում ու Արցախում եկամուտ ստացող անձանց ամսական պարտադիր վճարներից, ինչպես նաև կամավոր նվիրատվություններից, որոնք ստացվում […]
Իրավիճակը հայ-ադրբեջանական սահմանին հարաբերականորեն կայուն է, հաղորդում է Հայաստանի պաշտպանության նախարարությունը։ «Օգոստոսի 4-ի գիշերը և առավոտյան ժամը 10:00-ի դրությամբ իրադրությունը հայ-ադրբեջանական սահմանին հարաբերականորեն կայուն է, հրադադարի ռեժիմի էական խախտումներ չեն արձանագրվել»,- ասվում է հաղորդագրությունում։ Հայաստանի զինված ուժերի ստորաբաժանումները, ըստ նախարարության՝ լիարժեք վերահսկում են սահմանային իրադրությունը։
Կառավարության որոշմամբ Էդվարդ Հովհաննիսյանն ազատվել է Պետական եկամուտների կոմիտեի (ՊԵԿ) նախագահի պաշտոնից։ Մեկ այլ որոշմամբ ՊԵԿ նախագահի պաշտոնում նշանակվել է Ռուստամ Բադասյանը։ Այս մասին ՍիվիլՆեթը տեղեկանում է e-gov.am կայքից։ Ավելի վաղ Ռուստամ Բադասյանը «Ֆեյսբուքի» իր էջում գրել էր, որ ավարտում է իր ծառայությունը ՀՀ արդարադատության նախարարի կարգավիճակում: Օգոստոսի 3-ին նախագահ Արմեն Սարգսյանի հրամանագրով արդարադատության նախարար էր նշանակվել մարդու իրավունքների նախկին պաշտպան Կարեն Անդրեասյանը։
«Ակցեռն» հոլդինգի նախագահ Հակոբ Բաղդասարյանը խոսում է անշարժ գույքի շուկայում ընթացիկ վիճակի մասին։ Նրա խոսքով՝ շինարարության ինքնարժեքը գնալով՝ աճում է, անհրաժեշտ ապրանքների գներն աճում են, սակայն անշարժ գույքի քառակուսի մետրի շուկայական գինը մնում է նույնը, ինչը կարող է բերել կառուցապատողների սնանկացման։ Բացի այդ, Բաղդասարյանը զգուշացնում է՝ եթե նորակառույցից բնակարան գնելու դեպքում եկամտահարկի վերադարձի մեխանիզմը կառավարությունը որոշի վերացնել, ապա պետությունը տասն անգամ ավել վնասներ կկրի։
