Հաստատվել է կորոնավիրուսի 140 նոր դեպք, մահացել է 5 մարդ

կորոնավիրուս հայաստանում

Հայաստանում մայիսի 26-ին կատարվել է 3 503 թեստավորում, որից հաստատվել է կորոնավիրուսի 140 նոր դեպք, այսինքն, դրական է թեստերի 3,9 տոկոսը։ Այս մասին տեղեկացնում է առողջապահության նախարարությունը։

Առողջացել է 308 մարդ։ Գրանցվել է մահվան 5 դեպք։

Մայիսի 27-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 222 409 դեպք, որոնցից 212 265-ն` առողջացած, 4 416-ը` մահվան ելքով:

Կորոնավիրուսային հիվանդությամբ այս պահին փաստացի բուժում է ստանում 4 649 պացիենտ: Ընդհանուր առմամբ կատարվել է 1 072 615 թեստավորում:

Ըստ Worldometer առցանց թարմացվող կայքի տվյալների՝ կորոնավիրուսի ցուցանիշներով աշխարհի երկրների շարքում Հայաստանը զբաղեցնում է 74-րդ տեղը՝ 222 409 դեպքով։ Վրաստանը գտնվում է 55-րդ տեղում՝ 340 838 դեպքով, Ադրբեջանը 57-րդ տեղում է՝ 333 097 դեպքով, Թուրքիան 5-րդ տեղում է՝ 5 212 123 դեպքով, Իրանը 14-րդ տեղում է՝ 2 865 864 դեպքով: