Որպեսզի Արցախը չդառնա «Արևմտյան Հայաստան»․ ֆրանսահայ նկարիչների գործերը՝ Ստեփանակերտում

44-օրյա պատերազմի հետևանքով տարածքային և մարդկային կորուստների հետ մեկտեղ արցախցիներն ունեցել են նաև մշակութային ժառանգության կորուստ։ Շուշիի Կերպարվեստի պետական թանգարանում մնացել են բազմաթիվ նմուշներ, որոնց մեջ կային ֆրանսահայ երեք հայտնի նկարիչների՝ Ժան Գառզուի, Ժան Ժանսեմի և Էդգար Շահինի գործերից։ Ստեփանակերտի «Եվրոպա» հյուրանոցի նախաձեռնությամբ բացվել է այդ նմուշների ցուցահանդեսը։