Հունիսի 21-ից մեկնարկել է 2021թ. ամառային զորակոչը: ՍիվիլՆեթը ՊՆ կենտրոնական հավաքակայանում է՝ ներկայացնելու զորակոչի ընթացքն ու զրուցելու ապագա զինծառայողների հետ։
-
Գեղարքունիքում վիրավորված զինծառայողներից մեկի վիճակը ծայրահեղ ծանր է
Հուլիսի 23-ի երեկոյան Գեղարքունիքի մարզի Կութ համայնքի վարչական տարածքում ադրբեջանական կրակից վիրավորված երեք զինծառայողներից մեկի վիճակը ծանր է, հաղորդում է Քննչական կոմիտեն։ Քննչական կոմիտեն հրապարակել է վիրավորում ստացած զինծառայողների անունները՝ պարտադիր ժամկետային զինծառայող Արման Գուրգենի Աթասյան, պայմանագրային զինծառայողներ՝ Լեռնիկ Հենրիկի Նավոյանը և Յուրիկ Աշոտի Օհանյանը: Նրանք տեղափոխվել են Գեղարքունիքի կայազորային հոսպիտալ, որտեղ Աթասյանի վիճակը գնահատվել է ծայրահեղ ծանր: Նախօրեին Հայաստանի պաշտպանության նախարարությունը հաղորդել էր, որ զինծառայողները թեթև վիրավորում են ստացել, նրանց կյանքին վտանգ չի սպառնում։ Տե՛ս՝ Գեղարքունիքում Ադրբեջանի կրակոցներից երեք հայ զինծառայող վիրավորում է ստացել
-
Ինչպե՞ս լուծել ուռճացված պետական համակարգի խնդիրն Արցախում
Ընդհանուր առմամբ, հայ քաղաքական դաշտում կոնսենսուս չկա ղարաբաղյան հարցի վերաբերյալ: Ըստ մեկի՝ Հադրութը հնարավոր է վերադարձնել, մյուսի՝ տարածքների ու կարգավիճակի մասին ընդհանրապես չարժե խոսել ներկա փուլում։ Իսկ Արցախում կան ուժեր, որ նույնիսկ խոսում են Արցախի Հանրապետության [նախապատերազմյան] տարածքային ամբողջականությունը վերականգնելու մասին: Բայց քիչ թե շատ կոնսենսուս կա մեկ հարցի շուրջ՝ Արցախում հնարավորինս շատ հայ պահել: Սրան կողմ են նույնիսկ ՀԱԿ-ի ներկայացուցիչները: Արցախում հիմա բուռն շինարարություն է, ինչպես նախագահ Արայիկ Հարությունյանն է ասել Նիկոլ Փաշինյանի հետ վերջին հանդիպմանը, օրական մեկ բնակարան կառուցելն էլ է քիչ այսօր: Ցավոք, բնակչության ինչ-որ հատված արդեն կորցրել ենք, եթե չհաշվենք ՀՀ-ում բնակվողներին, ապա ռուսաստանների ճամփեքը բռնողներ […]
-
Վերականգնման եռուզեռ․ շաբաթն Արցախում
Արթուր Աղասյանին հետմահու շնորհվել է «Արցախի հերոս» կոչում Հետպատերազմյան կյանքն ու վերականգնումն Արցախում շարունակվում է Արցախ Ֆրութի» տնօրենն ասում է, որ «ամեն տարի զգում էինք աշխատուժի կարիքը, այս տարի՝ ավելի շատ» Ռուս խաղաղապահներն ԱԹՍ-ների կիրառմամբ հետևում են Արցախում հրադադարի ռեժիմի պահպանմանը
-
Կասեցվել է ԱԹՍ-ով ՀՀ օդային տարածք մուտք գործելու փորձը․ ՊՆ
Հուլիսի 23-ին, ժամը 23:00-ի սահմաններում, ՀՀ Զինված ուժերի հակաօդային պաշտպանության ստորաբաժանումները, համապատասխան գործողություններով, կասեցրել են հայ-ադրբեջանական սահմանի հարավարևմտյան ուղղությամբ ԱԹՍ-ով ՀՀ օդային տարածք մուտք գործելու փորձը, հաղորդում է Հայաստանի պաշտպանության նախարարությունը։ Հուլիսի 24-ի գիշերը և առավոտյան 09:00-ի դրությամբ իրադրությունը հայ-ադրբեջանական սահմանին, բոլոր ուղղություններով, հարաբերականորեն կայուն է: Նախօրեին Ադրբեջանի կրակից սահմանի Գեղարքունիքի հատվածում երեք հայ զինծառայող է վիրավորվել։
-
Արցախի պետական մարմինները չեն պատասխանում ՍիվիլՆեթի հարցումներին՝ ի խախտումն օրենքի
Հունիսի 24-ին ՍիվիլՆեթը հարցում էր ուղարկել Արցախի քաղաքաշինության նախարարություն՝ նախարարին խնդրելով տրամադրել վերջին 3,5 տարում այն հինգ խոշոր ընկերությունների ցանկը, որոնք շինարարական աշխատանքներ են իրականացրել Արցախում, ինչպես նաև՝ նրանց կատարած ու կատարվելիք աշխատանքների ծավալը, և ըստ պայամանագրերի՝ նրանց հատկացված ու հատկացվելիք գումարները:
-
Գեղարքունիքում Ադրբեջանի կրակոցներից երեք հայ զինծառայող վիրավորում է ստացել
Հուլիսի 23-ին, ժամը 17։00-ի սահմաններում, Ադրբեջանի զինված ուժերը կրակ են բացել հայ-ադրբեջանական սահմանի Գեղարքունիքի հատվածում տեղակայված հայկական դիրքերի ուղղությամբ։ Այս մասին հայտնում է Հայաստանի պաշտպանության նախարարությունը։ «Դրան նախորդել են կրակահերթեր հենց իրենց՝ ադրբեջանական մարտական հենակետերում, ինչը կարող է պայմանավորված լինել ադրբեջանցի զինվորականների միջև տեղի ունեցած՝ միջանձնային բնույթ կրող միջադեպով։ Դրա մասին է խոսում նաև փաստը, որ Ադրբեջանի պաշտպանության նախարարությունն իր հաղորդագրության մեջ նշում է, թե հայկական կողմի բացած կրակից հետո ադրբեջանցի զինվորական է զոհվել։ ՀՀ պաշտպանության նախարարությունը հայտարարում է, որ հակազդող գործողությունների չի դիմել մինչև այն պահը, երբ Ադրբեջանի զինված ուժերը կրակ են բացել հայ դիրքապահների ուղղությամբ»,- ասվում է հաղորդագրությունում։ […]
