Արցախի ՊԲ-ն հերքում է ադրբեջանական հարձակումների մասին լուրերը

Արցախի պաշտպանության բանակի մամուլի ծառայությունը հերքում է ադրբեջանական հարձակումների մասին լուրերը։

«Սոցիալական ցանցերում տարածվող լուրերն առ այն, թե իբր Քաշաթաղում տեղակայված մարտական դիրքերում տեղի է ունենում փոխհրաձգություն հայ և ադրբեջանցի զինծառայողների միջև, ինչպես նաև Մարտունու հատվածում ադրբեջանական ստորաբաժանումների կողմից հայկական դիրքերի հարձակման ենթարկվելու մասին տեղեկատվությունն իրականությանը չեն համապատասխանում»,- ասված է հաղորդագրությունում։

ՊԲ-ից հայտնում են, որ արցախա-ադրբեջանական շփման գծի մյուս հատվածներում շարունակում է պահպանվել հարաբերական կայուն իրադրություն: