Հուլիսի 26-ին Հայաստանում ԱՄՆ դեսպան Լին Թրեյսին ՀՀ պաշտպանության նախարարության ներկայացուցիչների հետ այցելել է Գեղարքունիքի մարզ: Այս մասին հայտնում է Հայաստանում ԱՄՆ դեսպանատունը։
«ՀՀ զինված ուժերի ներյացուցիչները դեսպան Թրեյսիին ներկայացրեցին տիրող իրավիճակը: Դեսպանը վերահաստատեց ԱՄՆ մտահոգությունները Հայաստանի և Ադրբեջանի սահմանին տեղի ունեցող միջադեպերի վերաբերյալ և ընդգծեց, որ Միացյալ Նահանգները մերժում է ուժի կիրառումը սահմանների դեմարկացիայի գործընթացում»,- ասվում է հայտարարությունում։
Դեսպանը շեշտել է, որ Միացյալ Նահանգները որպես ԵԱՀԿ Մինսկի խմբի համանախագահ պատրաստ է և հանձնառու է աշխատել բոլոր կողմերի հետ Լեռնային Ղարաբաղի հակամարտության շուրջ տևական քաղաքական կարգավորման հասնելու հարցում:
«Միացյալ Նահանգները կողմերին հոդորում է հնարավորինս շուտ վերադառնալ բանակցությունների՝ Մինսկի խմբի հովանու ներքո»,- նշված է դեսպանատան հայտարարությունում։
Հուլիսի 26-ին Ադրբեջանի զինված ուժերի ստորաբաժանումները Գեղարքունիքի հատվածում կրակ էին բացել հայկական դիրքերի ուղղությամբ։ Հակառակորդը հրադադարը խախտել էր նաև Երասխի ուղղությամբ։
https://www.civilnet.am/news/627147/%d5%bd%d5%b8%d5%a9%d6%84%d5%ab-%d5%b0%d5%a1%d5%b6%d6%84%d5%ab-%d5%a1%d5%b7%d5%ad%d5%a1%d5%bf%d5%a1%d5%af%d5%ab%d6%81%d5%b6%d5%a5%d6%80%d5%a8-%d5%bf%d5%a1%d6%80%d5%b0%d5%a1%d5%b6%d5%be%d5%a5%d5%ac-%d5%a5%d5%b6%d5%9d-%d5%bd%d5%a1%d5%b0%d5%b4%d5%a1%d5%b6%d5%ab%d5%b6-%d5%bf%d5%a5%d5%b2%d5%ab-%d5%b8%d6%82%d5%b6%d5%a5%d6%81%d5%a1%d5%ae-%d6%83%d5%b8%d5%ad%d5%b0%d6%80%d5%a1%d5%b1%d5%a3%d5%b8%d6%82%d5%a9%d5%b5%d5%a1%d5%b6-%d5%b0%d5%a5%d5%bf%d6%87%d5%a1%d5%b6%d6%84%d5%b8%d5%be/
